वीरगन्ज । लालबाबु सिंह | नेपालको व्यावसायिक सवारी साधन बजारमा थप सशक्त उपस्थिति जनाउँदै महिन्द्राको युटिलिटी सवारी साधनको आधिकारिक वितरक अग्नि इन्करपोरेटेड प्रा.लि.ले १.७ टन भार क्षमता भएको नयाँ महिन्द्रा बोलेरो पिक-अप फ्ल्याटबेड 1.7T नेपाली बजारमा सार्वजनिक गरेको छ। आइतबार वीरगन्ज–१४ स्थित प्रतिमा चोकमा रहेको अग्नि ग्रुपको महिन्द्र शोरूममा आयोजित विशेष समारोहका बीच उद्योग वाणिज्य संघ वीरगन्जका अध्यक्ष हरि गौतमले गाडीको औपचारिक रुपमा उद्घाटन गरे।

समारोहमा प्रमुख अतिथि गौतमले बोलेरो पिक-अप 1.7T बलियो, भरपर्दो, कम लागतमा सञ्चालनयोग्य र नेपाली यातायात व्यवसायका लागि उपयुक्त विकल्प भएको उल्लेख गर्दै यसको लोकप्रियता अझ बढ्ने विश्वास व्यक्त गरे। उनले गाडी खरिद गरेका ग्राहकहरूलाई साँचो हस्तान्तरण गर्दै शुभकामना पनि दिए। कार्यक्रममा अग्नि ग्रुप वीरगन्ज शाखाका सहायक महाप्रबन्धक लक्ष्मण राय, प्रशासन प्रमुख रबिन्द्र श्रेष्ठ, उद्योगी, यातायात व्यवसायी, सञ्चारकर्मी तथा विभिन्न क्षेत्रका प्रतिनिधिहरूको उपस्थिति रहेको थियो। कार्यक्रमको सहजीकरण पत्रकार राजेन्द्र सिंहले गरेका थिए।

सहायक महाप्रबन्धक रायका अनुसार काठमाडौं, पोखरा, चितवन, विराटनगर र वीरगन्जका महिन्द्र शोरूमहरूमा एकैसाथ गाडी सार्वजनिक गरिएको हो। उनले नयाँ बोलेरो पिक-अप 1.7T मा २.५ लिटरको एमटु-डिआइ-सिआर डिजेल इन्जिन रहेको र यसले ६३ बीएचपी पावर तथा १९५ एनएम टर्क उत्पादन गर्ने जानकारी दिए। ९ फिट लामो कार्गोबेड, बलियो डबल बेयरिङ एक्सिल, र ९ पाताको स्प्रिङ सस्पेन्सनको प्रयोगले भारी लोडमा पनि उत्कृष्ट प्रदर्शन गर्ने यो पिक-अपले श्रेणीमै उत्कृष्ट माइलेज दिन सक्ने उनले बताए।

गाडीको इन्टेरियर पक्षमा फराकिलो को–ड्राइभर सिट, रिक्लाइनर ड्राइभर सिट, तथा हेडरेस्ट सुविधा दिइएको छ, जसले आरामदायी यात्रा सुनिश्चित गर्दछ। प्रशासन प्रमुख श्रेष्ठका अनुसार गाडी नेपाली बजारमा रू. २५,६५,००० को विशेष लन्च मूल्यमा उपलब्ध हुनेछ। अग्नि हायर पर्चेजमार्फत ७० प्रतिशतसम्मको फाइनान्स सुविधा, एक दिनमै कर्जा स्वीकृति, ९.९९ प्रतिशत ब्याजदर, शून्य प्रोसेसिङ शुल्क, र सजिलो कागजात प्रक्रियाको व्यवस्था गरिएको छ। स्वरोजगार नेपालीहरूलाई प्राथमिकता दिइनेछ। साथै, अग्नि आस्था प्रालिमार्फत पुरानो गाडी साटेर नयाँ बोलेरो पिक-अप 1.7T किन्न सकिने सुविधा पनि उपलब्ध गराइएको जानकारी दिइयो।