वीरगन्ज । WorldLink इन्टरनेट ले विश्व पृथ्वी दिवस (२२ अप्रिल) को अवसर पारेर स्थानीय समुदायको साथमा ४५ दिने वृक्षारोपण अभियानको सुरुवात गरेको छ। यस ४५ दिने अभियान अन्तर्गत Dev Ashram, औराहा, सिमरा बाट सुरुवात भएको वृक्ष रोपन मधेश प्रदेश को पर्सा, बारा, रौतहट, सर्लाही, महोत्तरी, धनुषा, सिराहा, सप्तरी को साथ साथै उदयपुर र सिन्धुली जिल्ला मा पनि हुने जनाएको छ।
WorldLink सिमरा शाखाका प्रमुख सबिन केसी ले बताएअनुसार, “Dev Ashram जस्तो पवित्र र सामुदायिक श्रद्धाको स्थानमा वृक्षारोपण गर्नु हाम्रो अभियानको सारलाई झनै अर्थपूर्ण बनाउँछ। यसले केवल हरियाली मात्र होइन, धार्मिक स्थललाई पनि स्वच्छ र पर्यावरणमैत्री बनाउने उद्देश्य बोकेको छ।”

Dev Ashram, औराहा, सिमरा को उक्त स्थानमा स्थानीय बासिन्दा, धार्मिक स्थलका प्रतिनिधि, विद्यार्थी तथा WorldLink सिमरा शाखाका कर्मचारीहरूको संयुक्त सहभागितामा विभिन्न जातका दर्जनौ बिरुवाहरू रोपिएका थिए, जसमा सतिसाल, गोलमोल बिरुवाहरू छन् ।

WorldLink ले यस ‘४५ दिने वृक्षारोपण अभियान ’ को समापन ५ जुन, विश्व वातावरण दिवसमा गर्ने जनाएको छ, जहाँ वृक्षारोपण, संरक्षण तथा वातावरणीय सचेतनासम्बन्धी कार्यक्रमहरू पनि समावेश गरिनेछ।

“हरियाली मधेशको पहिचान — वृक्षारोपण हाम्रो अभियान” भन्ने नारासहित WorldLink को यो पहल वातावरणीय संरक्षणतर्फ एक महत्वपूर्ण पाइला सावित हुने आशा गर्दछौ।