वीरगंज | मधेस प्रदेश सरकारले वि.सं. २०८२ सालमा संघ सरकारले दिएको बिदाको अतिरिक्त ६ दिन थप बिदा दिने भएको छ।

नेपाल सरकारले वि.सं. २०८२ साल वैशाख १ गतेदेखि चैत मसान्तसम्म एक वर्षभरि सबै सरकारी कार्यालय तथा सार्वजनिक निकायका लागि निर्धारण गरेको सार्वजनिक बिदाका अतिरिक्त ६ दिन थप बिदा स्वीकृत गर्ने निर्णय भएको गृह, सञ्चार तथा कानुन मन्त्रालयका प्रदेश सचिव उद्धव प्रसाद रिजालले जानकारी दिए।

प्रदेश सरकारले प्रदेश राजपत्रमा प्रकाशित गर्दै संघ सरकारले दिएको बिदाका अतिरिक्त वैशाख २ गते सिरुवा पावनी, कार्तिक ११ गते छठ पर्वको भोलिपल्ट, मंसिर ९ गते विवाहपञ्चमीको अवसरमा बिदा दिने निर्णय गरेको छ।

यस्तै, सरकारले थप ३ दिन आवश्यकताअनुसार बिदा घोषणा गर्ने राजपत्रमा उल्लेख छ।