जनकपुरधाम । मधेश स्वास्थ्य विज्ञान प्रतिष्ठान अन्तर्गत सञ्चालित प्रादेशिक अस्पताल जनकपुरको अवस्था विजोग छ । अस्पतालका प्रायः सबैजसो वार्डमा रहेका बेडहरूमा बेडसिट (तन्ना) नै छैन ।
जसका कारण बिरामीले या त आफैँ बेडसिट ल्याएर प्रयोग गर्ने गरेका छन् या त रित्तै बस्नुपर्ने बाध्यता छ ।
अस्पतालको इमर्जेन्सी, सर्जिकल वार्ड, अन्तरङ्ग विभाग लगायतका वार्डमा रहेका बेडहरू बिना तन्नाका छन् ।
हुन त अस्पतालको बेडसिटका लागि बजेट नभएको होइन तर, त्यसको सदुपयोग कहाँ र के मा भइरहेको छ त्यो अस्पताल प्रशासनले जानकारी दिन मानेन ।
