वीरगंज | तेक्वान्दो खेलको प्रवद्र्धन तथा अन्र्तराष्ट्रिय सहकार्यलाई मजबुत बनाउने उद्देश्यसहित कम्ब्याट तेक्वान्दो र राष्ट्रिय तेक्वान्दो संघ नेपालबीच हस्ताक्षर भएको छ ।

यो सम्झौता प्रेसिडेन्सियल कम्ब्याट तेक्वान्दो च्याम्पियनशिपको अवसरमा बिहिबार फिलिपिन्सको बागियो सहरमा सम्पन्न भएको हो । सम्झौताले नेपाली खेलाडी, प्रशिक्षक तथा तेक्वान्दो क्षेत्रका अन्य सम्बद्ध व्यक्तिहरूलाई अन्र्तराष्ट्रिय स्तरमा अवसर प्रदान गर्ने विश्वास भएको संघले जनाएको छ ।

कम्ब्याट तेक्वान्दोका अध्यक्ष रिक डब्लु शिन र राष्ट्रिय तेक्वान्दो संघ नेपालका महासचिव राकेश कुमार राईले सम्झौतापत्रमा हस्ताक्षर गरेका हुन् । ‘सम्झौताले दुबै संस्थाविच तालिम, प्रतियोगिता, प्रविधि हस्तान्तरण र खेलाडीको क्षमता विकासका क्षेत्रमा सहकार्यलाई अघि बढाउनेछ ।

साथै, यसले नेपाल र अन्य अन्तर्राष्ट्रिय तेक्वान्दो समुदायबीच सम्बन्ध सुदृढ गर्दै खेलाडीहरूको उज्जवल भविष्य निर्माण गर्न सहयोग गर्ने अपेक्षा गरिएको छ,’ महासचिव राईले भने, ‘यस ऐतिहासिक सम्झौताले ब्यवसायिक तेक्वान्दो खेलमा नयाँ युगको सुरुवात गर्ने विश्वास छ ।’ कार्यक्रममा उपस्थित दुबै पक्षका प्रतिनिधिहरूले यो सहकार्य ब्यवसायिक तेक्वान्दो खेलको दीर्घकालीन समृद्धिका लागि महत्वपूर्ण कदम भएको उल्लेख गरे ।

यसैबीच, कार्यक्रममा कम्ब्याट तेक्वान्दोको तर्फबाट संघका महासचिव राईलाई आठौं डान र सदस्य आरबी तामाङलाई छैटौं डान प्रदान गरिएको छ ।