जनकपुरधाम । जनकपुर न्यूरो अस्पतालका सञ्चालक डा. बिजयकुमार राउतले जानकी जनकपुर यातायता प्रा.लि. का अध्यक्ष मनोजकुमार चौधरी लगायतले गरेको तोडफोड र हुलहुज्जत विरुद्ध कानुनी उपचार खोज्ने बताएका छन् । जनकपुर न्यूरो अस्प्ताल आज विहान पत्रकार सम्मेलन गरेर उनले सो कुरा बताएका छन् ।

चैत १ गते जनकपुरधामको अन्तगृह परिक्रमा गरेर घर फर्किरहेको बस धनुषाको मालटोलमा दुर्घटना हुँदा बसमा सवार सवैजना घाइते भएका थिए । जनकपुरधामबाट राजविराजकालागि गईरहेको ना ५ ख १४४१ नम्वरको धनलक्ष्मी ट्राभल्स दुर्घटना हुँदा करिव ४२ जना घाइते भएका थिए । त्यतिवेला बस व्वसायीहरुले सम्पूर्ण विरामीको उपचार खर्च बेहोर्ने जनाएका थिए । बस व्यवसायी संघले उपचारमा कुनै कमी नगर्न अस्प्ताल प्रशासनलाई आग्रह गर्दै सम्पूर्ण खर्च आफूहरुले बेहोर्ने प्रतिवद्धता समेत जाहेर गरेका थिए ।

पत्रकार सम्मेलनमा डा. राउतले ती विरामीहरु मध्ये जसरी जसरी निको हुँदै गए त्यस्तै डिस्चार्ज गरी घर फर्काएको जानकारी दिए । तर, चार पाँच जना विरामीहरु उपचारार्थ रहेको र उनीहरुको उपचार खर्च नदिई बस व्यवसायीहरु ती विरामीहरुलाई डिस्चार्ज गर्न दवाव दिएपछि अस्पताल प्रशासनले सो बलि भुक्तानीकालागि भनेपछि शुक्रबार बेलुका एक बस मान्छे तोडफोड गरेको डा. रउतको दावी छ ।

उपचार खर्चको सम्वन्धमा आफूले पटक पटक बस व्यवसायी संघलाई आग्रह गर्दा उनीहरु फोन नउठाउने र मोवाइल समेत स्वीच अफ गर्ने गरेका कारण आफूहरुलाई समस्या भएको डा. राउतको गुनासो छ । उनले भने–‘हिजो अस्प्तालमाथि आक्रमण भएन, यो जनकपुरधामबासीमाथिको आक्रमण हो, म यो अस्पताल नेपालको कुनै कुनामा सञ्चालन गर्न सक्थे तर, जनकपुरमाथिको आफ्नो स्नेह, माया र सद्भावले यहाँ अस्पताल सञ्चालन गरेको छु । यहाँ कार्यरत कर्मचारीलाई तलव सुविधा दिनुपर्छ, अस्पताल त्यतिकै चलेको छैन् ।’

बस व्यवसायीहरुले ती विरामीहरुको उपचार खर्च नदिई त्यतिकै डिस्चार्ज गर्न भने पछि अस्पताल प्रशासनले विल भुक्तानी गर्न भनेपछि त्यहाँ विवाद चर्किएको थियो ।