मोर्चामा अरु दलहरुलाई पनि सहभागी गराउँदै जाने प्रतिबद्धता नेताहरुले गरेका छन्।

उनीहरुले मोर्चा स्थापनाको औचित्य पुष्टि गर्न २६ बुँदे उद्देश्य र प्रतिबद्धता सार्वजनिक गरेका छन्। संघीयतालाई बलियो, बनाउने गणतन्त्र र धर्म निरपेक्षताको संरक्षणलाई मोर्चाले काम गर्ने जनाएका छन्।

जसपाका अध्यक्ष उपेन्द्र यादवले सरकार सबै क्षेत्रमा असफल भएकाले प्राप्त उपलब्धिको रक्षाका लागि मोर्चा बनाउन लागिएको जिकिर गरे। उनले भने, ‘सरकार सबै क्षेत्रमा असफल भएको छ। प्रतिनिधिसभामा दुई तिहाइ भए पनि सरकार कमजोर छ। देशका कुनै पनि समस्या समाधान गर्न सकेको छैन।’

उनले संघीयता, धर्म निरेपक्षको संरक्षण, संविधानको पुनःलेखनका लागि यो मोर्चा बनाएको घोषणासभामा बताए। साना दलको अस्तित्वमा संकट आउने गरी कानुन व्यवस्था गर्न लागेपछि त्यसको प्रतिरोधका लागि पनि मधेस केन्द्रित दलहरु एक ठाउँमा उभिएका हुन्।

‘मोर्चाले संघीय गणतन्त्र बलियो बनाउन, प्रतिगामी शक्तिलाई परास्त गर्न मोर्चा बनेको छ। यथास्थितिवादी शक्ति कांग्रेस एमाले बहुदलीय व्यवस्था समाप्त पारेर दुई दलीय तर्फ लैजाने कोसिस गरेको छ, यादवले अगाडि भने, ‘त्यसको प्रतिरोधका लागि मोर्चा बनेको हो। शोषित पीडित जनाको पक्षमा काम गर्ने, अरु दललाई पनि मोर्चामा सहभागी गराउने, एकताबद्ध हुँदै जाने गरी बनेको हो।’

त्यस्तै राष्ट्रिय मुक्त पार्टीका अध्यक्ष राजेन्द्र महतोले कांग्रेस कम्युनिष्टको शासन शैलीका कारण उपत्नन समस्या समाधानका लागि मोर्चा बनाएको जिकिर गरे। उनले भने, ‘नश्लिय चिन्तनका कारण, एकल सोचका कारण देशमा समस्या उत्पन्न भएको हो। कांग्रेस कम्युनिष्टको शासन गर्ने शैलीका कारण मरिसकेको भुत जागेको हो। त्यसबाट देशलाई बचाउन मोर्चा बनेको हो।’

यस्तो छ मोर्चाको घोषणापत्रः