वीरगंज | बेलायतका प्रधानमन्त्री किर स्टार्मरले सोमबार विश्व समुदायलाई अनियमित आप्रवासन रोक्न र आप्रवासी तस्करी गिरोहहरू तोड्न सँगै काम गर्न आग्रह गरेका छन्।

लन्डनले आयोजना गरेको अनियमित आप्रवासनविरुद्ध लड्ने दुई दिने बैठकमा ४० देशका प्रतिनिधि सहभागी भएका थिए।

शिखर सम्मेलनमा स्टार्मरले सँगै काम गरे मात्र मानव तस्करी सञ्जालहरू नष्ट गर्न सकिने बताए।

सम्मेलनमा भियतनाम र इराक जस्ता आप्रवासीहरूको उद्गम देशका प्रतिनिधि र बाल्कन जस्ता बाटोका देशका प्रतिनिधि सामेल छन्। बैठकमा बोर्डर फोर्सका प्रमुख, बेलायतमा सीमा नियन्त्रणको जिम्मा लिने निकाय, साथै इन्टरपोल, युरोपोल र अफ्रिपोलका प्रतिनिधि पनि छन्।

यो सम्मेलन युरोपेली सङ्घ (इयु) ले अनियमित आप्रवासीहरूलाई छिटो फर्काउन आफ्नो सीमाबाहिर आप्रवासी केन्द्रहरू खोल्ने योजना बनाइरहेको बेला भएको छ।

बैठकमा सहभागीहरूले मानव तस्करी सञ्जालले मानिसहरूलाई अवैध रूपमा ल्याउन प्रयोग गर्ने सामान, संरचना र नक्कली कागजात जाँच्नेछन्। उनीहरूले ती सञ्जाल कसरी चल्छन् र अनलाइनमा आप्रवासीहरूलाई लोभ्याउने कुराको विरोध गर्न विश्वव्यापी सहमति कसरी बनाउने भन्नेमा पनि कुरा गर्नेछन्। क्युएनए