वीरगन्ज | वीरगन्जमा सोनार प्रिमियर लिग(एसपिएल) टी–२० क्रिकेट प्रतियोगिता आगामी चैत २३ गतेददेखि सुरु हुने भएको छ । सोनार प्रिमियर लिगको ५ औं संस्करण वीरगन्जको आदर्शनगर रंगशालामा चैत २३ गतेदेखि सुरु हुने आयोजक पर्सा सुनचाँदी कालिगढ संघका उपाध्यक्ष कौशलकिशोर सर्राफले जानकारी दिए ।

उनका अनुसार, प्रतियोगितामा कूल आठ टिमले भाग लिने भएका छन् । आठ वटा टिमलाई दुई समुहमा बाँडिएको छ ।समुह ए मा विशाल किंग्स, घण्टाघर स्टार, एमजिएसटी वारियर्स, जनता साईकल तथा समुह बी मा कालिगढ संघ, माँ वैश्णव ज्वेलर्स, ओम वारियर्स र शुभम ज्वेलर्स रहेका छन् ।

प्रतियोगिताका लागि गत शनिबार वीरगन्जको होटल आदर्श इनमा आयोजित अक्शनमा कूल १ सय ३१ जना खेलाडीले नाम दर्ता गराएकोमा तीमध्ये १ सय १४ जना खेलाडी बिक्री भएको अक्शनमा सहभागी राजकुमार सर्राफले जानकारी दिए ।यसपालिको सोनार प्रिमियर लिगका खेलहरु डे नाइट हुने उनले बताए ।

पर्सा सुनचाँदी कालिगढ संघले यसअघिका चार बर्षहरुमा उक्त प्रतियोगिता सफलतापूर्वक आयोजना गरिसकेको जनाउँदै सर्राफले यसपालिको ५ औं संकस्करणका लागि तयारी सुरु गरिसकेको बताए ।