काठमाडौं । सरकारले सामाजिक सुरक्षा भत्ता प्राप्त गर्ने लाभग्राहीहरूको दोस्रो त्रैमासिक अवधिको विवरण सार्वजनिक गरेको छ। विभिन्न श्रेणीमा रहेका नागरिकलाई प्रदान गरिने सामाजिक सुरक्षा भत्ताका लाभग्राहीहरूको संख्या उल्लेखनीय रहेको छ। जेष्ठ नागरिक ६८ वर्षभन्दा माथिका लाभग्राही १६ लाख ६४ हजार ९८६ जना रहेका छन् भने पहाडी क्षेत्रका ६० वर्ष उमेर पुगेकाका लाभग्राही १८ लाख २५ हजार ४३ जना छन्।

जेष्ठ नागरिक दलित ६० वर्ष उमेर पुगेकाका लाभग्राही १ लाख ५७ हजार ८८८ जना रहेका छन् भने एकल महिलाका रूपमा भत्ता प्राप्त गर्नेको संख्या १ लाख ९२ हजार १३३ रहेको छ। पूर्ण अपांगता भएका (क श्रेणी) लाभग्राही ६ हजार ५०८५ जना छन् भने आंशिक अपांगता (ख श्रेणी) भएका लाभग्राहीको संख्या १ लाख ४४ हजार ३०० रहेको छ।

लोपोन्मुख जातिका लाभग्राही १० हजार ८१५ जना रहेका छन् भने दलित समुदायका बालबालिकालाई सामाजिक सुरक्षा भत्ता प्राप्त गर्नेको संख्या ३ लाख ९४ हजार २३ छ। पहाडी क्षेत्रका ६० जिल्लाका बालबालिका लाभग्राहीको संख्या ८ लाख ७३५ रहेको छ भने लोपोन्मुख बालबालिका लाभग्राहीको संख्या ४५ रहेको छ।

सरकारले सामाजिक सुरक्षाका माध्यमबाट आर्थिक रूपमा कमजोर, वृद्ध, अपांगता भएका व्यक्तिहरू, एकल महिला, लोपोन्मुख जाति तथा बालबालिकालाई सहायता प्रदान गरिरहेको छ। यस योजनाले समाजका कमजोर वर्गलाई राहत प्रदान गर्दै समतामूलक समाज निर्माणमा योगदान पु¥याउने सरकारको अपेक्षा छ। सरकार सामाजिक सुरक्षाका कार्यक्रमलाई थप प्रभावकारी बनाउन आवश्यक सुधारको तयारी गरिरहेको जनाएको छ।