काठमाडौं । च्याटजीपीटीको शुल्क तिरेर आर्ट बनाउन मिल्ने फिचर अब निःशुल्क प्रयोगकर्ताहरूका लागि पनि उपलब्ध भएको छ । च्याटजीपीटी निर्माता कम्पनी ओपनएआईले शनिबारदेखि यो फिचर सबै प्रयोगकर्ता माझ ल्याएको हो।

कम्पनीले २६ मार्चमा घिब्ली शैलीको आर्ट बनाउन सक्ने फिचर सार्वजनिक गरेको थियो । स्टुडियो घिब्ली आर्ट एउटा यस्तो कला शैली हो, जुन जापानी स्टुडियोले सुरु गरेको हो । यसमा हलुका र मधुर रङहरूको प्रयोग गरिन्छ, साथै कलाकृतिमा विस्तृत विवरणहरूमा ध्यान दिइन्छ ।

सुरुवाती चरणमा यो फिचर च्याटजीपीटीका प्रो, प्लस र टिम प्रयोगकर्ताहरूका लागि मात्र उपलब्ध थियो। तर, अब सबै प्रयोगकर्ताले यो फिचर प्रयोग गर्न सक्छन् । पछिल्लो समय विश्वव्यापी रूपमा घिब्ली तस्विरले निकै चर्चा पाइरहेका छन् ।

कसरी प्रयोग गर्ने ?

१) सबैभन्दा पहिले यहाँ क्लिक गरेर च्याटजीपीटीमा जानुहोस् । (यदि अकाउन्ट साइनअप गर्नु भएको छैन भने साइनअप गर्नुहोस् ।)

२) त्यसपछि प्लसको आइकनमा थिचेर आफूले घिब्ली शैलीमा रूपान्तरण गर्न चाहेको फोटो छान्नुहोस् ।

३) च्याटबक्समा ‘turn this image into ghibli art style’ लेख्नुहोस्। (आवश्यकता अनुसार प्रम्प्ट परिमार्जन गर्न पनि सक्नुहुन्छ ।)

४) केही समयमै च्याटजीपीटीले तपाईँको लागि घिब्ली शैलीको आर्ट तयार पारिदिन्छ ।