वीरगंज | नेपाल प्रहरी प्रधान कार्यालय, मानवश्रोत विकास विभाग, कर्मचारी प्रशासन शाखाको पत्र आदेशअनुसार प्रहरी नायब निरीक्षक पदबाट प्रहरी वरिष्ठ नायब निरीक्षक पदमा बढुवा भएका जिल्ला प्रहरी कार्यालय धनुषामा कार्यरत उमेश कुमार पाण्डेको दर्ज्यानी चिन्ह सुशोभन कार्यक्रम सम्पन्न भएको छ।

मिति २०८१/११/२९ गते जिल्ला प्रहरी कार्यालय धनुषाका प्रमुख प्रहरी उपरीक्षक भुवनेश्वर तिवारीले दर्ज्यानी चिन्ह प्रदान गर्दै उनलाई बधाई तथा शुभकामना दिएका थिए। सो अवसरमा तिवारीले पदोन्नतीसँगै बढेको जिम्मेवारीलाई नयाँ ऊर्जा र प्रतिबद्धताका साथ निर्वाह गर्न निर्देशन दिएका थिए। साथै, उनले सम्पूर्ण प्रहरी कर्मचारीलाई अनुशासन, प्रहरी आचरणअनुरूप कार्य गर्दै टिमवर्कको माध्यमबाट प्रहरी सेवा सम्पादन गर्नुपर्नेमा जोड दिए।

उक्त कार्यक्रममा वरिष्ठ प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो।