वीरगञ्ज | अनिल सहनी निषाद | आज सूर्यदयनगर-१५ वीरगञ्ज अवस्थित शालोम माध्यमिक विद्यालयद्वारा आफ्नै प्राङ्गणमा एस. ई. ई २०८१ का छात्रछात्राहरुलाई होलीको शुभकामना दिदै बधाई एवं विदाई कार्यक्रम प्रधानाध्यापक दिलीप प्रजापती एवं संस्थापक टेकचन्द्र साह कानुको संयुक्त सभापतित्वमा सम्पन्न भएको छ।

कार्यक्रममा प्रमुख अतिथि सगरमाथा मा. वि. एवं एनप्याब्सन नगर अध्यक्ष जियालाल प्रसाद गुप्ता विशिष्ट अतिथिमा वीरगन्ज गोल्डेन गेट मा. वि. एवं एनप्याब्सन नगर सचिव शेख अजहर अतिथिमा सोही विद्यालयका माध्यमिक शिक्षक अनिल सहनी, मुकेश सिंह, ललन दास, सन्दिप सिंह लगायत विद्यालयका शिक्षक, शिक्षिका तथा छात्रछात्राहरुको सहभागिता रहेको थियो।

एस.ई. ई. २०८१ का छात्रछात्राहरुलाई प्रमुख अतिथि, विशिष्ट अतिथि तथा अतिथिद्वारा मायाको चिनो प्रदान गरि सफल जिवनका कामना गरेका थिए। कार्यक्रमको सहजीकरण शिक्षिका सुलेखा चौधरीले गरेकी थिइन्।