वीरगंज | संघीय सरकारमा जनता समाजवादी पार्टी (जसपा) नेपालपनि सहभागी भएका छन् । आइतबार प्रधाामन्त्री पुष्पकमल दाहाल प्रचण्डले मन्त्रीपरिषद विस्तार गर्दै जसपाका अध्यक्ष उपेन्द्र यादवसहित दुई जनालाई मन्त्रीमा नियुक्त गरेका हुन् ।

उपेन्द्र यादव उपप्रधानसहित स्वास्थ्य तथा जनसंख्या मन्त्री र नवलकिशोर साह वनमन्त्री नियुक्त भएका हुन् ।यसंगै प्रचण्ड सरकारामा यादवसहित चार जना उपप्रधानमन्त्री नियुक्त भएका छन् । एमालेका रघुवीर महासेठ पहिलो वरीयतामा रहँदा नारायणकाजी श्रेष्ठ, रवि लामिछाने क्रमशः दोस्रो र तेस्रो वरीयतामा छन् । यादवलाई अन्तिम वरीयतामा राखिएको छ ।

राष्ट्रपति निवास शीतल निवासमा आइतबार आयोजित विशेष समारोहबीच राष्ट्रपति रामचन्द्र पौडेलले यादव र साहलाई मन्त्री पद तथा गोपनीयताको शपथ गराएका छन् । आइतबार दूई नयाँ मन्त्री थपिएसंगै मन्त्रीमण्डल अब २२ सदस्यीय भएको छ ।