जनकपुरधाम । जनमत पार्टीका अध्यक्ष डा. सिके राउतले केन्द्र सरकारमा सहभागी हुनको लागि मधेशको मुख्यमन्त्री मागेका छन् ।

मधेश प्रदेशमा मुख्यमन्त्री दिए नयाँ सत्ता गठबन्धनमा सहभागी हुने शर्त डा. राउतले राखेको हो । नेपाली काँग्रेस सम्मलित गठबन्धनसँग ब्रेकअप गरी प्रधानमन्त्री प्रचण्डले एमाले, जसपा, रास्वपा र जनमतलाई सँगै लिएर जाने भनेपछि जनमतले आकस्मिक बैठक राख्दै मधेशमा मुख्यमन्त्री पाउने शर्त राखेको बुझिएको हो ।

बैठकले संघीय सरकारमा राम्रो मन्त्रालय सहित मधेश प्रदेशको मुख्यमन्त्री पाउनुपर्ने अडान लिएको छ जनाईएको छ । सत्ता गठबन्धन फेरिने भएपछि मधेशमा समेत सरकार परिवर्तन वा मन्त्रीमण्डल परिवर्तनको सँकेत प्रवल देखिएको हो ।