• Home
  • समाचार
  • देश
  • मधेश
  • मुख्य समाचार
  • Breaking News
  • वीरगंज संजाल बिशेष
  • राजनीति
  • विश्व
  • स्वास्थ्य
  • विचित्र संसार
  • दैनिक पत्रिका-e-Papper
आज:
    • समाचार
      • मुख्य समाचार
      • राजनीति
      • बिशेष
    • प्रदेश
      • प्रदेश नं.१
      • मधेश
      • बागमती
      • गण्डकी
      • लुम्बिनी
      • कर्णाली
      • सुदूरपश्चिम
    • विश्व
    • स्वास्थ्य
      • पोषण
      • सौन्दर्य
      • जीवनशैली
    • शिक्षा समाचार
      • अन्तर्वार्ता
      • कविता
    • Tech News
      • Mobile Phones
      • विचित्र संसार
    • खेलकुद
      • देश
      • विदेश
    • अर्थतन्त्र
      • बैंक
      • बिजनेस
      • बाणिज्य
    • अन्य
      • दैनिक राशिफल
      • Birthday/Anniversary
      • दैनिक पत्रिका
    होमपेज / Breaking News

    वीरगन्जको मेनरोड विस्तारमा सर्वोच्चको बाधा : सडक चौंडा नहुदाँ वीरगन्जबासीलाई सास्ती

  • वीरगंज संजाल
  • १८ फाल्गुन २०८०, शुक्रबार ०९:३१
  • १३५७

    वीरगन्ज | वीरगन्जको मुख्य सडक(मेन रोडी) वर्षौदेखि विस्तार नहुदाँ शहरको ट्राफिक व्यवस्थापन नै अस्तव्यस्त बन्नुका साथै शहरको सौन्दर्यकरणमा पनि असर परेको छ ।
    त्रिभुवन राजपथ अन्तर्गत पर्ने वीरगन्जको गण्डक चोकदेखि पावर हाउस चोक, घण्टाघर, आदर्शनगर, रजतजयन्ति चोक, शंकराचार्यद्वार हुँदै मितेरीपुल सम्मको मेनरोड २५/२५ मिटर विस्तार गर्ने निर्णय सडक विभागले २०६९ सालमै गरेको थियो । तर सरकार आँफैले गरेको निर्णय कार्यान्वयनमा देखाएको उदासीनता र सर्वोच्च अदालतको बाधाका कारण वीरगन्ज महानगरको मेनरोड अझैसम्मपनि विस्तार हुन सकेको छैन ।मेनरोड विस्तार हुन नसक्दा मधेस प्रदेशको एकमात्र महानगर वीरगन्जको मुख्य बजार क्षेत्रमा ट्राफिक व्यवस्थापन अस्तव्यस्त बनेको हो ।
    विशेष गरी घण्टाघरदेखि छपकैयाको नारायणी अस्पतालसम्मको मेनरोडमा बिहान र साँझको समयमा सडक साँघुरो भएका कारण ट्राफिक जाम नै लाग्ने गरेको छ । बिहान कार्यालय समय सुरु हुने बेला र साँझ कार्यालय समय सकिएका बेला घण्घटारदेखि माईस्थान, आदर्शनगर र अलखीयामठसम्मको मेनरोडमा सवारी साधनको चाप बढेर सधैं जाम लाग्ने गरेको वीरगन्ज ६ माईस्थानका नितेश साह बताउँछन् । उनी भन्छन्,‘ खासगरी बिहान अफिस टाइम सुरु हुने बेला त जाम यति हुन्छ कि माइस्थानदेखि घण्टघारसम्मको करिब पाँच सय मिटरको दूरी बाइकमा पार गर्नै १ घण्टा नै लाग्छ ।’ बिहान र साँझका बेला घण्टघारदेखि अलखीयामठसम्मको मेनरोडमा ट्राफिक जामको नियती सधैं भोग्नु परिरहेको उनी बताँउछन् ।

    दिनप्रतिदिन सवारीसाधनको संख्या बढ्दै गएको तर मेनरोड भने २० औं वर्षदेखि उहि अवस्थामा रहेका कारण ट्राफिक जामको समस्या खेप्नु वीरगन्जबासीका लागि नियति नै भएको वीरगन्ज १० अशोकवाटिकाका स्थानीय सरोज गुप्ता बताउँछन् । उनि भन्छन्,‘ जबसम्म मेनरोड फराकिलो बनाईदैन तब सम्म यो जामको समस्याबाट उन्मुक्ति महानगरबासीले पाउन सक्दैनन्।’
    वीरगन्जमा सवारी साधनको चाप बढ्दै गएको तर मेनरोड सांघुरो भएका कारण शहरको ट्राफिक व्यवस्थापनमा समस्या भइरहेको जिल्ला ट्राफिक प्रहरी कार्यालय पर्साका प्रमुख ट्राफिक प्रहरी निरक्षिक भाष्कर खतिवडापनि बताउँछन् ।मधेसखबरसंगको कुराकानीमा उनी भन्छन्,‘ विशेष गरी घण्टाघर देखि वीर्तासम्मको मनेरोडको ट्राफिक व्यवस्थापनमा समस्या छ । कारण त्यस क्षेत्रमा मुख्य बजारसंगै बैंक, अस्पताल, क्लीनक र अन्य सरकारी कार्यालय छन् । त्यहाँ ग्राहक र सेवाग्राहीको चलहपल अन्य स्थानभन्दा बढी हुन्छ ।सडक साँघुरो भएपनि सेवा लिन आउने सेवाग्राहीका सवारीहरु सडककै एक लेनमा पार्किङ गरेर राख्न दिनु परेको छ ।एक त सडक नै साँघुरो छ। त्यसमापनि सडककै एक लेनमा सवारीहरु पार्किङ गर्न दिदाँ ट्राफिक जामको समस्या सधैं भइरहेको छ।’मेनरोड विस्तार नहुदाँ घण्टाघर चोकमा करिब ६ महिनादेखि जडान गरिएको ट्राफिक लाइटको नियम चालकहरुबाट पालना गराउनपनि समस्या भइरहेको खतिवडा बताउँछन् । मधेसखबरसंग उनले भने ,‘ वीरगन्जको एक ठाँउ मात्र घण्टाघर चोकमा ट्राफिक लाइट जडान गरिएको छ । तर सडक नै साँघुरो भएका कारण ट्राफिक लाइटको नियम पालना गराउन ट्राफिक प्रहरीलाई हम्मेहम्मे भइरहेको छ।’

    वीरगन्ज शहरको ट्राफिकलाई व्यस्थित र प्रभावकारी बनाउन मेनरोडको विस्तार अपरिहार्य रहेको खतिवडापनि बताउँछन् । सरकारले निर्णय गरेको ११ वर्ष भइसक्दापनि मेनरोड विस्तार नहुदाँ यसले शहरको ट्राफिकलाई अस्तव्यस्त पार्नुका साथै वीरगन्ज शहरको सौन्दर्यकरणपनि हुन नसकेको वीरगन्ज ९ का स्थानीय दीपनारायण सोनी बताउँछन् । उनी भन्छन्,‘ मेनरोड नै साँघुरो हुदाँ फुटपाथपनि फराकिलो बन्न सकेको छैन । सडकमा सवारी साधनसंगै मान्छेपनि हिंड्छन् । यीसब कारणले शहरको सौन्दर्यकरणपनि बिग्रीएको छ । यदि मेनरोड विस्तार भइदियो भने वीरगन्ज शहर नै सुन्दर र आकर्षक देखिन सक्छ।’
    ११ वर्षदेखि किन हुन सकेको छैन त मेनरोडको विस्तार ? २०६९ सालमा तत्कालीन नेपाल सरकारको निर्णय अनुसार सडक विभागले वीरगन्जको मेनरोड विस्तारका लागि सडकको मध्यभागबाट दायाँ–बाँया दुवै तर्फ २५÷२५ मिटरभित्र पर्ने भौतिक संरचना खाली गर्न सूचना निकालेपछि त्यस क्षेत्रमा पर्ने करिब १ हजार दूई सय घरधनीले सरकारको उक्त निर्णय विरुद्ध सर्वोच्च अदालतमा रिट हालेको र अदालतले यसबारे टुङगो नलगाइ दिएका कारण ११ वर्षदेखि सडक विस्तार हुन नसकेको हो । सवोच्च अदालतमा उक्त मुद्दाको पेशी पटक पटक गरेर २३ पटक सरिसकेको छ । अब अर्को पेशी यहि फागुन २१ गतेका लागि तोकिएको छ । यसअघि पछिल्लोपटक सर्वोच्चमा यसको पेशी गत असोज २२ गतेका लागि तोकिएको थियो । तर २२ असोजमा सर्वोच्व अदालतले उक्त मुद्दाको सुनुवाई हेर्न नभ्याइनेमा राख्दै अर्को पेशी फागुन २१ गतेका लागि तोकेको हो ।

    तर सडक क्षेत्रमा पर्ने घरधनीहरुले फागुन २१ गतेका लागि तोकिएको पेशीपनि फेरि सार्ने चलखेल सुरु गरिसकेको आशंका वीरगन्जबासीमा छ । यसअघिको जस्तै घरधनीहरुको चलखेलका कारण २१ फागुनको पेशीपनि अर्को मितिका लागि सर्ने र सडक विस्तारको विषय अदालतबाट फेरिपनि टुङगो नलाग्ने सम्भावना बढी रहेको वीरगन्ज ७ का रामसेवक रौनीयार बताउँछन् । उनी भन्छन्‘ वीरगन्जको विकासमा अदालत नै पटक पटक बाधक बन्दै गएको जस्तो देखिन्छ । यसले अदालतमाथि नै प्रश्न उठाउने बेला अब भइसकेको छ।’ सडक विभागअन्तर्गत सडक डिभिजन कार्यालय हेटौंडा र व्यापारिक मार्ग विस्तार आयोजना कार्यालयले २०७६ सालमा छठपछि नै वीरगन्जको मेनरोड विस्तार गर्ने तयारी गरको थियो । २०७६ भदौमा निकालेको १५ दिने सूचनाको म्याद सकिएपछि फेरि म्याद दिएर आयोजना कार्यालयले घरधनीलाई आफ्नो घर आफैं भत्काउन आग्रह गरेको थियो । सडक विस्तार आयोजनाले एक चरण नापीको कामसमेत सम्पन्न गरिसकेको अवस्था छ । त्यसअघि सडक विभागले २०६९ साल भदौ १५ गते, सडक डिभिजन कार्यालय हेटौंडाले २०६९ फागुन ११ गते र २९ गते, २०७१ फागुन २ गते तथा २०७३ पुष १८ गते पनि १५ दिने सूचना जारी गरी सडक क्षेत्रमा पर्ने घर टहरा भत्काउन आग्रह गरेको थियो ।

    तर सडकको दायाँबायाँका घरधनीहरुले जमिनको लालपूर्जा भएको, स्थानीय तहबाट घरको नक्सा पास गरेको, राज्यलाई विभिन्न कर तिरिरहेको घरजग्गा सित्तैमा लिन नपाइने, जग्गा तथा संरचना नियमाअनुसार अधिग्रहण गरेर वर्तमान मूल्यअनुसार मूआव्जा वितरण गरेर मात्रै सडक विस्तार गर्नुपर्ने बताउँदै आएका छन् । लक्ष्मण साह रौनियारसमेतले प्रधानमन्त्री तथा मन्त्रिपरिषद्को कार्यालय सिंहदरबार, सडक डिभिजन कार्यालय हेटौंडा, व्यापारिक मार्ग विस्तार आयोजना कार्यालय वीरगञ्ज पथलैया, जिल्ला प्रशासन कार्यालय पर्सालगायतलाई विपक्षी बनाएर ७ कार्तिक २०७६ मा रिट दर्ता गराएका थिए । त्यसअघि ११ मंसिर २०७५ मा विक्रम गुरुङले प्रधानमन्त्री तथा मन्त्रिपरिषद्को कार्यालयसहित १० वटा सरकारी कार्यालयलाई विपक्षी बनाएर मुद्दा दायर गरेका थिए । त्यसैगरि उत्प्रेषण आदेशको माग गर्दै २०७६ पुस २१ मा राजकुमारी देवी तुल्स्यानले प्रधानमन्त्री तथा मन्त्रीपरिषद्को कार्यालयमा तथा २०७६ कात्तिक १७ गते विरेन्द्रकुमार संघाइले, माघ २७ गते भरतप्रसाद रौनियारले जिल्ला प्रहरी कार्यालय समेतलाई विपक्षी बनाएर मुद्दा दायर गरेका थिए । सडक डिभिजन कार्यालय हेटौंडाका डिभिजन प्रमुख राजेश यादवका अनुसार अदालतले मुद्दामा सुनुवाइ नै नगर्दा समस्या भइरहेको छ । कानूनी प्रक्रिया र सर्वोच्च अदालतको आदेशअनुसार नै अघि बढ्ने बताउँदै उनले आफूहरुले सबै कागजात तयार गरेर सरकारी वकिललाई जिम्मा लगाइसकेको बताए । पेशी चढाउने तर सुनुवाइ नै नगर्ने प्रवृतिले गर्दा समस्या भएको हुँदा यो विषयलाई अदालतले निकास दिनुपर्ने यादवकोपनि भनाई छ ।

    वीरगन्जको विकासका लागि मेनरोड फराकिलो हुनुपर्ने आवश्यक्ता औँल्याउँदै मेयर राजेशमान सिंहले अदालतको आदेश कुरेर बसेको बताए । ‘वीरगन्जको मुख्य सडकमा पुराना घर जीर्ण भएर बसेका छन्, मर्मत सम्भार पनि गरिरहेका छैनन् । अदालतले अनिर्णयको बन्दी बनाएर राख्न मिल्दैन । निकास दिनुपर्छ’, उनले भने, ‘२०७६ सालमा परेको मुद्दा २०८० सालसम्म पेशी चढ्दा पनि टुंगो नलाग्नु दुःखद छ ।’
    यसअघि वीरगन्ज महानगरपालिकाका पूर्व मेयर विजयकुमार सरावगीले आफ्नो कार्यकालमा वीरगन्ज बजारको पुरानो संरचनालाई भत्काउदा यसको ऐतिहासीक र सास्कृतिक पहिचान समेत मेटिने भन्दै मुख्य सडकबाट १५/१५ मिटरमात्र दायाँ बायाँका संरचना हटाउन नगर परिषदबाट निर्णय गराएका थिए । सरावगीको नेतृत्वमा रहेको महानगरपालिकाको नगरसभाले गरेको निर्णयलाई हालका मेयर सिंहले भने अस्वीकार गर्दै तोकिएकै मापदण्डअनुसार २५/२५ मिटर फराकिलो हुनुपर्ने अडान राख्दै आएका छन् । उनले भने,‘खासमा सडक डिभिजन कार्यालय हेटौँडा लगायतलाई प्रतिवादी बनाएर विभिन्न व्यक्तिहरूले दिएको मुद्दाले सडकको विस्तार रोकिएको हो । शहरको मध्य भागमा पर्ने मुख्य सडकको स्वरूप र चौडाइले हाम्रो शहरी विकासको दीर्घकालीन योजनालाई पनि असर पार्छ। फैसला जे जस्तो भए पनि मुद्दाको निरूपण चाँडै होस् भन्ने हाम्रो चाहना हो तर अदालतले पटक पटक पेशी सार्दै आएको छ । त्रिभुवन राजपथ अन्तर्गत बाराको पथलैया देखि वीरगन्जको गण्डकसम्म त्रिभुवन राजपथको अधिकार क्षेत्रभित्र सडकको केन्द्र विन्दुबाट दायाँबायाँ २५/२५ मिटर विस्तारको काम भइसकेको छ ।

    प्रतिक्रिया दिनुहोस


    सम्बन्धित समाचार
  • आज बुधबारको राशिफल
  • भारतमा खसेको चिनियाँ क्षेप्यास्त्रको भग्नावशेष पाउन शक्तिशाली पश्चिमा देशहरूको तँछाडमछाड
  • उद्योगसँग सम्बन्धित विषयमा पथलैया औद्योगिक कोरिडोरका उद्योगीहरूसँग अन्तरक्रिया सम्पन्न
  • सिरहामा गाँजासहित तीन जना पक्राउ
  • समाचार खोजनको लागि याहा

    • पछिल्ला
    • मुख्य
    • लोकप्रिय

    आज बुधबारको राशिफल

    भारतमा खसेको चिनियाँ क्षेप्यास्त्रको भग्नावशेष पाउन शक्तिशाली पश्चिमा देशहरूको तँछाडमछाड

    उद्योगसँग सम्बन्धित विषयमा पथलैया औद्योगिक कोरिडोरका उद्योगीहरूसँग अन्तरक्रिया सम्पन्न

    सिरहामा गाँजासहित तीन जना पक्राउ

    मधेशमा दिउँसो बर्षाको सम्भावना, तीनदिनसम्म पानी पर्ने अनुमान

    औषधी पसलमा अनुगमन गर्न गएका विभागका कर्मचारीहरु कुटिए

    चट्याङबाट चार वर्षमा २३७ को मृत्यु, ९०८ जना घाइते

    पत्रकार हत्या र मिडियामाथिको आक्रमणका सम्बन्धमा उच्चस्तरीय स्वतन्त्र छानविन गर्न माग

    वर्षामा समस्यारहित बनाउने प्रयासमा नारायणगढ-मुग्लिन सडकखण्ड

    ठाकुरराम क्याम्पसमा फर्जी भर्ना प्रकरणः विद्यार्थी नेताहरूको रिहा, आन्दोलन जारी रहने चेतावनी

    आज बुधबारको राशिफल

    भारतमा खसेको चिनियाँ क्षेप्यास्त्रको भग्नावशेष पाउन शक्तिशाली पश्चिमा देशहरूको तँछाडमछाड

    उद्योगसँग सम्बन्धित विषयमा पथलैया औद्योगिक कोरिडोरका उद्योगीहरूसँग अन्तरक्रिया सम्पन्न

    सिरहामा गाँजासहित तीन जना पक्राउ

    मधेशमा दिउँसो बर्षाको सम्भावना, तीनदिनसम्म पानी पर्ने अनुमान

    बारामा प्रहरी र स्थानीय बिच झडप ,हवाई फायर ,एक गम्भीर

    वीरगंज अन्तर्गत पर्ने अलौंमा सशस्त्र प्रहरी द्वारा एक राउण्ड हवाई फायर

    सुर्खेतमा मंगलबार थपिए १२ संक्रमित

    स्वास्थ्य मन्‍त्रालयको नियमित पत्रकार सम्मेलन (लाइभ)

    रौतहटमा एकैदिन थपिए ५६ जना कोरोना संक्रमित

    वीरगञ्जको आदर्शनगरका थप एक जनाको कोरोना संकमणबाट मृत्यु

    काेराेनाबाट वीरगञ्जमा थप एक महिलाको मृत्यु

    कोरोना रोकथाम र नियन्त्रणमा कहाँ चुक्यो सरकार ?

    समाचार
    News

    आज बुधबारको राशिफल

    News

    भारतमा खसेको चिनियाँ क्षेप्यास्त्रको भग्नावशेष पाउन शक्तिशाली पश्चिमा देशहरूको तँछाडमछाड

    News

    उद्योगसँग सम्बन्धित विषयमा पथलैया औद्योगिक कोरिडोरका उद्योगीहरूसँग अन्तरक्रिया सम्पन्न

    News

    सिरहामा गाँजासहित तीन जना पक्राउ

    News

    मधेशमा दिउँसो बर्षाको सम्भावना, तीनदिनसम्म पानी पर्ने अनुमान

    < a href="https://birgunjsanjal.com/">

    पत्राचार ठेगाना

    विरगंज स्ंजाल
    ठेगाना - अलौं,वीरगंज-१७ , नेपाल
    सम्पादक/प्रकाशक -कृष्ण कुमार श्रीवास्तव
    प्रबंधक निदेशक -बलिराम श्रीवास्तव
    सम्पर्क ईमेल –[email protected]
    सम्पर्क न +977-9869096688
    जि.प्र.का. दर्ता नम्बर : 300/078/079
    जि.हु.का.प.दर्ता न. : १८६/०७८/७९
    पेन न : न. : 109761983

    फेसबुक

    2025: वीरगंज संजाल तपाईंको आफ्नो न्युज | बिज्ञापन | सम्पर्क | हाम्रो बारेमा Designed by: GOJI Solution
    ↑