वीरगंज । जनता समाजवादी पार्टी (जसपा) नेपाल पर्साका उपसचिव सुनिल कुशवाहाले रामनरेश यादव अध्यक्ष रहेको जिल्ला कार्यसमितिमै आँफु रहेको बताएका छन् । पर्सामा जसपाभित्र दुई गुटबिचकोे विवादमा क्रममा बुधबार जसपाका प्रमुख सचेतक एंव प्रतिनिधी सभा सदस्य प्रदीप यादवको प्रमुख आतिथ्यतामा आयोजित भेलाले सिंघासन सााह तेलीको अध्यक्षतामा समानान्तर जिल्ला कार्यसमिति गठन गरेको थियो । उक्त समितिको उपपसचिवमा सुनिल कुशवाहालाई राखिएको थियो । कुशवाहा यसअघि रामनरेश यादवको अध्यक्षतामा गठित जिल्ला कार्य समितिमा पनि उपसचिव नै थिए ।

तर बिहीबार कुशवाहाले सामाजिक सन्जालमा एक विज्ञप्ति जारी गरेर आफु यादव अध्यक्ष रहकै जिल्ला कार्यसमितिको उपसचिव रहेको बताएका छन् । कुशवाहाले बुधबार वीरगन्जमा गैरजिम्मेवार नेताहरुले गुटउपगुट गरी समानान्ततर जिल्ला समिति गठन गरेको तर आफु उक्त कार्यक्रम वा भेलामा सहभागीपनि नभएको प्रष्टिकरण दिएका छन् । बुधबार गठन गरिएको समानान्तर जिल्ला कार्य समितिको उपसचिवमा आफनो नाम राखेर चरीत्र हत्या गर्ने प्रयाास गरिएकोपनि कुशवाहाले बताएका छन् । विज्ञप्तिमा कु्शवाहाले आफु रामनरेश यादव अध्यक्ष रहको जिल्ला कार्यसमितिमै रहेको दोहो¥याएका छन् ।

पर्सामा गत निर्वाचन भन्दा पहिलादेखि नै जिल्ला नेतृत्वको विषयलाई लिएर दुई गुटमा विभाजित जसपाका नेताहरुबिच चर्काे विवाद चल्दै आएकोमा बुधबार एक पक्षले कार्यक्रम गरेर कलवारको अध्यक्षतामा समानान्तर जिल्ला कार्यसमिति नै गठन गरेपछि पर्सामा जसपात्रिको विवाद झन् छताछुल्ल भएको छ । पर्सामा जसपाभित्र जिल्ला अध्यक्ष रामनरेश प्रसाद यादव , पुर्व मुख्यमन्त्री लालबाबु राउत लगायतका नेताहरुको एक गुट छ भने अर्काे गुटको नेतृत्व जसपाका प्रमुख सचेतकसमेत रहेका प्रतिनिधि सभा सदस्य प्रदीप यादवले गरिरहेका छन् । यादवको गुटमा जसपाका केन्द्रीय सदस्य समेत रहेका वीरगन्ज महानगरपालिकाका मेयर राजेशमान सिंह र जिल्ला समन्वय समिति पर्साका प्रमुख अजय सर्राफ लगायतका छन् ।