वीरगंज । राहुल गुप्ता । प्रजातन्त्र पुनःस्थापनाका लागि विसं २०४६ मा भएको जनआन्दोलनका सर्वोच्च कमाण्डर गणेशमान सिंहको १०६ औँ स्मृति दिवसको अवसरमा आज विभिन्न कार्यक्रम आयोजना गरी मनाइँदै छ । सर्वोच्च नेता एवम् लौहपुरुष गणेशमान सिंह स्मृति दिवसको अवसरमा नेपाली कांग्रेस पर्सा पनि आज “प्रबचन”कार्यक्रम आयोजना गरेको छ। बिरगंजको वडा नं ४ मा रहेको लोह पुरुष गणेशमान सिंहको शालिकमा फुलमाला अबिर लगाइ सम्मान गरिएको थियो ।प्रबचन” कार्यक्रममा सर्वोच्च नेता लौहपुरुष गणेशमान सिंहको पार्टी प्रति योगदानको माध्यमले चर्चा परिचर्चा गरिएको छ । नेपाली कांग्रेसका केन्द्रिय सदस्य तथा प्रतिनिधि सभा सदस्य रहेका अजय चौरसियाको प्रमुख अतिथित्वमा भएको प्रवचन कार्यक्रममा वक्ताहरु ले गणेशमान सिंहले देशको लागि गरेका योगदान बारे आफ्नो विचारहरु राखेका थिए।

प्रबचन कार्यक्रममा बोल्दै प्रमुख अतिथी तथा नेपाली कांग्रेसका केन्द्रिय सदस्य एवम प्रतिनिधि सभा सदस्य अजय चौरसियाले लौह पुरुष गणेशमान सिहं नेपाली राजनीतिमा त्याग र साहसको उच्च उदाहरणका रूपमा रहेका सिंह रहेको बताए । देशमा राणा शासन तथा प्रजातन्त्र स्थापना गर्ने उनको योगदान अतुलनीय रहेको छ। वर्षौं जेल जीवन बिताएका उनले कहिले पनि पदको लागि रुचि देखाएन । आफूलाई राजा विरेन्द्रले प्रधानमन्त्री बन्न आग्रह गरेपनी उनले कृष्ण भट्टराईलाई बनाएका थिए । कार्यक्रम लागि सम्बोधन गर्दै नेपाली कांग्रेस पर्सा जिल्लाका सभापति जर्नादन सिंह क्षेत्रीले राणा शासन अन्त्य गर्ने अभियानमा लागेपछि उनीलगायतलाई तत्कालीन सरकारले जेल हाल्यो । विसं २००७ अघि नै भद्रगोल जेल फोरेर भाग्न सफल भएका जोसिला तन्नेरी गणेशमान प्रवास जानुअघि नै तत्कालीन राणा हटाऊ आन्दोलनमा सक्रिय भएका थिए ।

जेलबाट भागेर भारतमा पुगी अर्का नेता बिपी कोइरालासँग राजनीतिक सम्बन्ध विकसित गरे । केही सहयोगीका साथ २००३ सालमा स्थापित नेपाली राष्ट्रिय कांग्रेसलाई आजीवन जुझारू नेतृत्व दिन पनि गणेशमानको उल्लेखनीय भूमिका छ। कार्यक्रम लागि सम्बोधन गर्दै नेपाली कांग्रेस पर्सा जिल्लाका उप-सभापति रामनारायण कुर्मीले विसं १९९७ देखि अनवरत राजनीतिमा समर्पित कडा स्वभाव र जुझारू व्यक्तित्वका सर्वप्रिय नेता गणेशमानको महत्वपूर्ण योगदान २०४६ सालमा रहेको थियो । जनआन्दोलनका लागि कम्युनिष्टसँग मिलेर पञ्चायतविरुद्ध आन्दोलनको घोषणा गर्ने गणेशमान सिंह उक्त आन्दोलनका सर्वोच्च कमाण्डर भई सबैको प्रिय बनेको उनले बताए।

त्यस्तै वीरगंज महानगरपालिकाका उप-प्रमुख इम्तियाज आलमले प्रबचन कार्यक्रममा सर्बोच्च नेता लौहपुरुष गणेशमान सिंहको चर्चा परिचर्चा गर्दै भने विसं २०१५ सालमा पहिलो निर्वाचन भएपछि बनेको सरकारमा वरिष्ठ मन्त्री भएका गणेशमान संहले २०१७ सालमा प्रजातन्त्र अपहरण भएपछि आठ वर्ष निरन्तर जेल बसेका थिए ।पहिले सिंहदरबार र त्यसपछि सुन्दरीजल गृहमा कारावास जीवन बिताए । विसं २०२५ मा बिपीसँगै सुन्दरीजल बन्दी गृहबाट रिहा भएपछि प्रवासमा राजनीतिक सङ्गठन विस्तार गरे । विसं २०३३ मा बिपीसँगै राष्ट्रिय एकता तथा मेलमिलापको नीति लिई स्वदेश फर्केर तत्कालीन पञ्चायती व्यवस्थाका विरूद्ध सक्रिय रहेको बताए।

उक्त प्रबचन कार्यक्रम वीरगंज महानगरपालिका वडा नं ४ का वडा अध्यक्ष जगत साह कानुको अध्यक्षता भएको छ। उक्त कार्यक्रममा नेपाली कांग्रेस पर्साका प्रवक्ता रमेश यादव,पुर्व उप-सभापति दिना गुप्ता,नेपाली कांग्रेस पर्साका उप-सभापति अशोक गुप्ता,हुकुम सिंह,मुस्लिम संघ पर्साका अध्यक्ष हबिब मिया, नेपाली कांग्रेस पर्सा क्षेत्र नं २ का क्षेत्रिय सभापति महम्मद सहाबुदिन, नेपाली कांग्रेस पर्सा क्षेत्र नं १ का कार्यबाहक सहभापति अनिल सिंह, तरुण दलका जिल्ला सभापति बिकास तिवारी, समीर मन्सुरि,वीरगंज महानगरपालिकाका उप-प्रमुखका स्वकिय सचिव शेष हजरा,ने.वि.संघका केन्द्रीय सदस्य सुरेन्द्र लामिछाने,नेहा मिश्र,नेपाली कांग्रेस पर्साका नेता धर्मराज यादव लगायतका व्यक्तिहरुको उपस्थिति रहेको नेपाल प्रेस युनियन मधेश प्रदेश का सदस्य राहुल गुप्ता ले जनाएका छन।