वीरगंज । नेपाल प्रहरीको केन्द्रीय अनुसन्धान ब्युरो (सीआइबी)ले ६० किलो सुन प्रकरणमा ५० जनालाई प्रतिवादी बनाएर आफ्नो अनुसन्धान प्रतिवेदन बुझाउने भएको छ । सीआइबीले आफ्नो अनुसन्धान प्रतिवेदन बुधवार सरकारी वकिललाई बुझाउने भएको हो ।

५० जना प्रतिवादीमध्ये ३२ जना पक्राउ परेका सीआइबी प्रमुख प्रहरी अतिरिक्त महानिरीक्षक (एआईजी) किरण बज्राचार्यले जानकारी दिइन् । उनका अनुसार पक्राउ परेका ३२ जनामध्ये २३ जना नेपाली र ९ जना विदेशी प्रतिवादी छन् । यसैगरी फरार रहेका १८ जनप्रतिवादीमध्ये ४ जना नेपाली र १४ जना विदेशी रहेका एआईजी आचार्यले जानकारी दिइन् ।

६० किलो सुन बरामद प्रकरणमा अनुसन्धान सकेर रायसहितको अनुसन्धान प्रतिवेदन सीआइबीले जिल्ला सरकारी वकिल कार्यालयमा बुझाउन लागेको हो । आफ्नै कार्यालय परिसरमा पत्रकार सम्मेलन गरेर प्रतिवेदनबारे जानकारी गराएको सीआइबीले सरकारी वकिललाई बुझाउन लागेको हो । पत्रकार सम्मेलनमा दिएको जानकारीअनुसार आरोपीविरुद्ध सङ्गठित अपराध, सुन चोरी पैठारी र राष्ट्र बैङ्क ऐनअन्तर्गत कसुरमा मुद्दा चलाउने राय दिइनेछ ।