वीरगंज । सेवाग्राहीसँग एक लाख घुस लिएका बुढानिलकण्ठ प्रहरी प्रभागमा कार्यरत प्रहरी वरिष्ठ हवल्दार बिष्णु सिंहविरुद्ध भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगले सिंहले सरसफाई तथा निकास गर्दा निस्किएको बालुवा व्यवस्थापन गर्न सहजीकरण गरिदिने प्रयोजनका लागि १ लाख घुस लिएको आराेपमा मंगलबार सिंहविरुद्ध विशेष अदालतमा मुद्दा दायर गरेको हो ।

आयोगको टोलीले प्रहरी बरिष्ठ हवल्दार सिंहलाई सेवाग्राहीबाट एक लाख रुपैयाँ घुस लिइसकेको अवस्थामा नियन्त्रणमा लिइएको थियो । आयोगले अदालतमा दायर गरेको आरोप पत्रमा हवल्दार सिंहलाई बिगो बापत १ लाख रुपैयाँ कायम गरी कैद र बिगो बमोजिमको दुवै सजायको माग गरेको छ ।