वीरगंज । बाराको परवानीपुर गाँउपालिका वडा नम्बर ५ का वडाअध्यक्ष रामेश्वर कलवारले स्थानीयमाथि हातपात तथा दुर्व्यवहार गरेको छ । जनता अावासकाे निवेदन भराउन अाएका स्थानीयमाथि वडा अध्यक्ष रामेश्वर कलवार लगायतले एमालेका युवा नेता उमेश गुप्ता सहित निवेदन दिन पुगेका गरिब तथा असहाय स्थानीयमाथि हातपात तथा दुर्व्यवहार गरेको हाे ।
सरकारले गरिब तथा विपन्नकाे घर बनाउन हरेक वडा कार्यालयमा अावश्यकता अनुसार निवेदन संकलन गराईरहेकाे छ अनुगमनमा अाएका कर्मचारीहरूले मापदण्डमा पर्ने र अावश्यकताका अाधारमा छुटेकाकाे फारम भर्न मिल्ने बताए पनि वडाअध्यक्ष कलवारले अाफ्नाे निकट बाहेकलाई फारम नलिने भन्दै सदियाैंदेखि गरिबीको चपेटामा रहेका स्थानीयलाई भेदभाव गर्दै धपाएका हुन् ।
यस विषयमा वडा अध्यक्ष कलवारसंग बुझ्दा उनले भने, उपमेयरका श्रीमान् उमेश गुप्ताले घर बनाउन खटीएकालाई आफ्नो अनुकुल गर्न दबाब दिएकाले समान्य विवाद भएको प्रतिक्रिया दिए । तर यता गुप्ताले भने मापदण्डमा पर्ने गरिब असहाय जाेकाेहिले पनि सरकारकाे सेवा लिन पाउन भन्ने उदेश्यले छुटेकालाई समावेश गराउन खाेज्दा अाफु सहित छुटेका गरीब विपन्न स्थानीयहरूलाई हातपात तथा दुर्व्यवहार गरेको बताएका छन् ।
निवेदन छुटेकालाई समावेश गराउन स्थानीयले गापा उपाध्यक्ष सुगान्धी देवि र उनका श्रीमान् तथा एमालेका युवा नेता उमेश गुप्तालाई गुहारेका थिए । अनुगमनमा गएको बखत वडा अध्यक्ष कलवार लगायतकाले दुर्व्यवहार गरेका थिए । मापदण्ड पुगेकालाई जनता अावास बनाउने प्रावधान रहेपनि जनता समाजवादी पार्टीबाट निर्वाचित वडा नम्बर ५ का वडा अध्यक्ष रामेश्वर कलवारले उनको निकट नरहेको भन्दै भेदभाव गर्नु कानुनी राज्यको उपहास देखिन्छ ।
