वीरगंज । सप्तकोसी नदीमा शुक्रबार बिहान एउटा मालवाहक ट्रक खसेको छ । पश्चिमबाट पूर्वतर्फ गइरहेको मे १ ख ३००७ नम्बरको मालवाहक ट्रक र पूर्वबाट पश्चिमतर्फ आइरहेको मे १ ख १७६५ नम्बरको यात्रुवाहक बस आपसमा ठोक्किँदा ट्रक सप्तकोशीमा खसेको थियो ।

दुई ट्रक आपसमा ठोक्किई सप्तरी र सुनसरीको सीमा छुटयाउने कोसी ब्यारेजको पुलको १० नम्बर ढोका अगाडिबाट ट्रक सप्तकोसी नदीमा खसेको सुनसरीका एसपी प्रभुप्रसाद ढकालले जानकारी दिए । एसपी ढकालका अनुसार प्रहरी र स्थानीयको सहयोगमा ट्रकमा सवार तीन जनाको सकुशल उद्धार गरिएको छ

१० नम्बर ढोका अगाडिको पुलबाट नदीमा ट्रक झर्दा पुलको १० फिट पर्खालमा समेत क्षति पुगेको छ । बसका यात्रुहरू भने सकुशल रहेको एसपी ढकालले जनाए । नदीमा खसेको मालवाहक ट्रकबाट सामान नदीमा बगेको तथा ट्रकलाई निकाल्ने प्रयास भइरहेको एसपी ढकालले जानकारी दिए ।