वीरगंज । पर्साका जनप्रतिनिधीहरुले लागूऔषध ओसारपसार र सेवन विरुद्धको अभियानमा प्रहरीसंग सहकार्य गर्ने प्रतिबद्धता जनाएका छन् ।लागूऔषध ओसारपसारविरुद्धको अन्तर्राष्ट्रिय दिवसको अवसरमा सोमबार साँझ वीरगन्जमा आयोजित अन्तरकृया कार्यक्रममा सहभागी जनप्रतिनिधीहरुले यस्तो प्रतिबद्धता जनाएका हुन् । कार्यक्रममा सहभागी जनप्रतिनिधीहरुले गाँउघरमा लागुऔषधको ओसारपसार र दुव्र्यसन पहिलेको भन्दा अहिले झन् बढ्दै गएको भन्दै चिन्ता व्यक्त गरे । अहिले शहरका मात्र नभइ जिल्लाका ग्रामीण भेगका युवाहरु पनि लागु औषधको दुव्र्यवसनमा पर्ने क्रम बढेकोपनि उनीले सुनाए । पर्सा जिल्ला भारतसंग खुल्ला सीमा जोडिएको भएका कारण पनि समाजमा बढ्दो लागु औषधको दुव्र्यसले विकराल रुप लिरहेकोले यसलाई रोक्न प्रहरीसंग आफुहरु सहकार्य गर्न तयार रहेको जनप्रतिनिधीहरुले वाचा गरे । लागुऔषधको ओसारपसार र दुव्र्यसन रोक्न अझ प्रभावकारी कदम चाल्न आवश्यक रहेकोपनि उनिहरुले बताए ।

कार्यक्रममा पर्साका प्रमुख जिल्ला अधिकारी हीरालाल रेग्मीले गाँउसमाजले चाहेमा बढ्दो क्रममा रहेको लागूऔषधको ओसारपसार र दुव्र्यसन रोक्न सकिने बताए । उनले भने,‘ अभिभावकले पनि आफना सन्तानले के गरिरहेका छन् ? कहाँ गइरहेका छन् ? जस्ता सामान्य कुरामा ध्यान दिन नसक्दाका कारणले पनि युवाहरू लागूऔषधको दुव्र्यवसन फसिरहेका छन् । त्यसका कारण सबैभन्दा पहिले अभिभावकहरु नै सचेत हुनुपर्छ । जिल्ला प्रशासन कार्यालय पर्साले आयोजना गरेको कार्यक्रममा जिल्ला प्रहरी कार्यालय पर्साका प्रहरी नायब उपरीक्षक दिपक गिरीले लागु औषध नियन्त्रण ऐन २०३३ तथा सजाय र जरिवाना , पर्सामा हालसम्म लागु औषध बरामद भएको परिमाण तथा लागु औषधकै मुद्धामा पक्राउ परेका व्यतिmको संख्या बारेको विवरण सार्वजनिक गरे । जसअनुसार , चालु आर्थिक वर्षको ११ महिनाको अवधिमा जिल्ला प्रहरी कार्यालय पर्सामा लागु औषधका ३९४ मुद्धा दर्ता भएको छ । वीरगन्ज कारागारमा हाल लागूऔषध मुद्दाका मात्रै ३९४ जना थुनामा छन् । ती मध्ये महिला १४ जना र पुरुष ३८० जना छन् ।

गत आर्थिक वर्ष २०७८/७९ मा भने प्रहरी कार्यालयमा लागु औषधका २३७ वटा मुद्धा दर्ता भएको जानकारी गिरिले गराए । यस्तै आर्थिक वर्ष २०७७/७८ मा भने प्रहरी कार्यालयमा लागु औषधका १३५ वटा मात्र मुद्धा दर्ता भएका थियो । पर्सामा चालु आर्थिक वर्षको ११ महिनाको अवधीमा लागु औषध गाँजा १ हजार १२३ केजी , चरेश ९८ केजी , हेरोईन ५७५ ग्राम , फेनरागन ७ हजार २७३ पिस , डाईजिल्याब १० हजार २६५ पिस , नुर्फिम ८ हजार ६२३ पिस , नाइट्रोभेट ट्याबलेट २५ हजार ३२८ पिस र कोरेक्स ४ हजार ५४६ एमएल बरामद भएको जानकारीपनि गिरीले दिए । गत आर्थिक वर्ष २०७८/७९ मा भने पर्सामा गाँजा १ हजार ३५० केजी , चरेश १२३ केजी , अफिम १३ केजी , फेनारगन ५ हजार ३६० पिस , डाईजिल्याब ४ हजार १६८ पिस , नुर्फिन ४ हजार २५३ पिस , नाइट्रोभेट ट्याबलेट १५ हजार ६४२ पिस र कोरेक्स १ हजार ६१३ एमएल बरामद भएको पर्सा प्रहरीको तथ्यांकमा उल्लेख छ । कार्यक्रममा पर्साका प्रहरी उपरीक्षक कोमल शाह, नेपाल–भारत सहयोग मञ्चका अध्यक्ष अशोक बैद्यका साथै जनप्रतिधिनीहरुको सहभागीता थियो ।