वीरगंज । रौतहटस्थित बागमती नदीको बाढीमा फसेका पाँच जनालाई प्रहरीले उद्धार गरेको छ।जिल्लाको राजदेवी नगरपालिका-३ चन्डियास्थित गोठालो गएका पाँचजना गोठालाहरू बागमती नदीको बाढीमा फसेका थिए।
उनीहरू शुक्रबार अपरान्ह चार बजेदेखि नदीको बीच भागमा अलपत्र परेका थिए। नदीमा राजदेवी नगरपालिका- ३ चन्डिया बस्ने रामापती देवी, ललिता देवी पटेल, बिलास दास, करणसिला साह र सर्लाही बलरा नगरपालिका-२ जमुनिया बस्ने केसर सहनी फसेका थिए।
सूचना पाएपछि नेपाली सेना, नेपाल प्रहरी तथा सशस्त्र प्रहरीको संयुक्त उद्धार टोलीले सात घण्टापछि शनिबार बिहान एक बजेको समयमा सबैजनालाई सुरक्षित रूपमा उद्धार गरिएको रौतहटका प्रहरी प्रवक्ता डिएसपी उमाशंकर यादवले जानकारी दिए।