वीरगंज । चितवनको रामनगरमा सासंद रवि लामिछानेको पहलमा झन्डै चार महिना श्रमदान गरेर खानेपानी ल्याइएको छ । खानेपानी आउदा रामनगरबासी निकै खुशी भएका छन् । भरतपुर महानगरपालिका– २९ स्थित खहरेखोलाको पानी ल्याउन भरतपुर महानगरपालिका–१ का स्थानीयले श्रमदान गरेका थिए । उनीहरुलाई चितवनका विभिन्न क्षेत्रका नागरिकले पनि श्रमदानमा साथ दिएका थिए । स्थानीय विन्दा न्यौपानेले २ महिना भन्द बढी सम्म घरको काम छाडेर जनश्रमदानमा जुटेको भन्दै पानी आएपछि उत्साहित भएको बाताउनु भएको छ । “एकदम खुशीको अनुभव भएको छ, पानी आउँदा हामी यति खुशी भयौ भनी पानीको समस्या भको ठाउँमा हल हुदा खेरी हामी एकदम खुशी छौ,पानी त आउन त आथ्यो समयमा आउथिएन कहिले एक दिनमा आउथ्यो, कहिले कसको धारामा आउथ्यो, कहिले कस्को धारामा आउथिएन पानीको समस्या समाधान हुन्थेन पहिला पानीले भने अहिले भने सबैको घर घरको धारामा ठुलो ठुलो पानी आउछ, टयाङकीमा चढ्ने पानी समेत आइसकेको छ अहिले लगभग हामी २ महिना भन्दा बढी श्रम दान गर्न पनि गयौ,पानी आउँदा अहिले रामनगर बासीको खुशीको सिमानै छैन ।”

यस्तै रामनगरवासीको मुख्य समस्या पानी रहेको भन्दै खहरेखोलाको पानी आएपछि निकै खुसी भएको बताउनु हुन्छ स्थानिय कल्पना धरेल । “हामी एकदम खुशी छौ पानीको समस्या रामनगर अलिकति हाइट भएर पनि होला इनारको पानी अलि कम आउथ्यो, खोलातिरको पानीको मुहान पनि सुक्थ्यो, पानीको एकदमै कमी भा बेलामा पानी आउदा हामी एकदमै खुशी छौ अब हामीलाई पानीको समस्या भोग्नु पर्दैन की भन्ने हामी आशावादी छौ ।”भरतपुरको रामनगर, ठिमुरा र देवघाट क्षेत्रका बासिन्दालाई पानी खुवाउन राष्ट्रिय स्वतन्त्र पार्टीका सभापति रवि लामिछानेले श्रमदानको सुरुआत गर्नुभएको थियो । उहाँले स्थानीयलाई गरेको वाचाअनुसार नै निर्धारित समय १ सय दिन अगाबै खानेपानी ल्याउन सफल भएकोमा बताउनु भयो । “हामी जनश्रमदान बाट जुगेडीको खोला बाट  पानी रामनगर सम्म ल्याउेन छौ र विभिन्न ठाउँ जहा  पानी  पुगेको छैन त्यहा पुर्याउने छौ, तिनहजार भन्दा बढी घरधुरीलाई आवश्यक हुन्छ भन्ने कुरा तय गर्यौ,त्यसै दिन हामीले यो कुरा तय गरेर घोषणा पनि गर्यौ र जुन दिन हामीले ट्याङकी पत्ता लगायौ त्यहि दीन हामी खोला सम्म पुग्यौ, त्यसैदिन त्यहाँको पानी पिउँदै भनेको थिए पानी त आयो आयो आज त पानी आयो त्यसै  दिन घोषणा गरीएको थियो ।”

राष्ट्रिय स्वतन्त्र पार्टीका सभापति रवि लामिछानेले धरान उपमहानरका मेयर हर्क साम्पाङको प्रेरणाबाट चितवनमा अहिले पानी ल्याएको बताउनु भयो । “धरान उपमहानगरपालिकाका मेयर हर्क साङपाङले ढुंगा जम्मा गरेर जनश्रमदान गरेर पानी ल्याउन लागेको कुरा सर्वत्र चर्चाको विषय थियो, यदि त्यो कुरा मलाई थाहा हुन्न थियो र हर्क साङपाङले त्यो अभियान सुरु गरेको हुन्न थियो भने यो पानी ल्याउने कुरा मलाई प्रेरणा मिल्ने थिएन,त्यसकारणले उनै हर्क साङपाङले मलाई प्रेरणा दिनु भएको हो ।”
विसं २०४९ चैतमा नेपाल र जापान सरकारको सहकार्यमा भरतपुर खानेपानी विस्तार आयोजनाको सुरूआत भएको थियो । त्यसबेला रामनगरमा चारवटा पानी ट्याङ्की निर्माण गरिएका थिए । जुगेडीबाट पानी उक्त क्षेत्रमा ल्याएर भरतपुरका विभिन्न स्थानसम्म वितरण हुने गर्दथ्यो । द्वन्द्वकालपछि धेरै संरचना नष्ट भएपछि खानेपानी ट्याङ्की क्षेत्र झाडीमा परिणत भएको थियो । अहिले सोही ठाउँमा सरसफाइ गर्दै खानेपानी ल्याइएको हो ।

रामनगर क्षेत्रमा हरेकको घरमा इनार भए पनि जनघनत्व बढ्दै जाँदा खानेपानीको अभाव पनि बढ्दै गएकाले खहरेखोलाको पानी ल्याउनुपरेको रामनगर,ठिमुरा,देवघाट,जुगेडी भतेरी खानेपाी समितिका अध्यक्ष तुलसीराम श्रेष्ठको भनाई छ । श्रमदानबाट खानेपानी ल्याउन करिब रू एक करोड खर्च भएको जनाइएको छ । भरतपुर २९ को मगर खहरे कविलास माथि रामनगरबाट करिब ८ किलोमिटरको दूरीमा नयाँ पाइप खरिद र बिछ्याउने तथा ट्याङ्क्ी मर्मत र सरसफाइ तथा प्राविधिक खर्च गरी करिब रू एक करोड खर्च भएको श्रेष्ठले बताउनु भयो । यो खानेपानीले रामनगरका ३ हजार घरधुरी लाभान्वित हुने छन् । खहरेखोलाबाट खानेपानी आएपछि दीर्घकालीन समस्या समाधान भएको खानेपाी समितिका अध्यक्ष श्रेष्ठको भनाई छ । श्रेष्ठका अनुसार धेरै कठिनाइका विच खानेपानी ल्याउन सफल भएको हो ।“मलाई यत्रो संयन्त्रले,स्थानिय तहले,संघिय तहमा प्रदेश तहको नेतृत्वले हामीले गरेको गुहार नसुन्दीने,हामीले उठाईका आवाज नसुन्दीने, जनताहरुले प्रत्यक्ष रुपमा गएर दिनमा सय डेढ सय जनाले श्रम दान गरेर पानी  ल्याउने ठाउँमा असहयोग गर्ने जस्ता तत्व समाजमा विकराल रहेछ भन्ने कुरा हामीले महसुस गर्यौ,त्यसलाई पर्छानलाई निर्चोनलाई, यसलाई नाङो बनाउनलाई हामीले जुन हिसाबल हामीले अठोट लिएर काम गर्यौ नि तेले हामीलाई सफलता दिएको हो ।”

चितवन क्षेत्र नं  २ का जनप्रतिनिधि सांसद रवि लामिछानेको अगुवाईमा जुगेडीको पानी रामनगर सम्म त ल्याइयो तर दिर्घकालीन होला त भन्नेमा अझै आशंका छ । रामनगरमा फेरी पनि खानेपानीको समस्या नआउला भन्न सकिन्न  तसर्थ बाह्रै महिना खानेपानी ल्याउन रामनगर बासी सचेत हुन आवश्यक छ ।