वीरगन्ज । विश्व रेडक्रस दिवसको अवसरमा नेपाल रेडक्रस सोसाइटी रेशमकोठी उपशाखाले एक कार्यक्रमको आयोजना गरि मनाएको छ । प्रत्येक वर्ष रेडक्रस का जन्मदाता जान हेनरी डयुनाको जन्मजयन्ती ८ मइ को दिन विश्व रेडक्रस सोसाइटी दिवस मनाउने क्रममा आज रेशमकोठी उपशाखा का सभापती श्री नारायण यादवको अध्यक्षतामा एवं बरिस्ठ सदस्य एवं समाजसेवी अधिवक्ता प्रकाश उपाध्याय को प्रमुख आतिथ्यमा तथा सदस्य भागवत चौधरी,सल्लाहकारहरु गौरी गुप्ता- हुकुम सिंह राजपुत ,युवा सर्कल संयोजक अभिलाष गुप्ता,सदस्य नवराज भट्टराई , दिपक पटेल, पृथ्वी चौरसिया,अभिषेक सिंह राजपुत,अनिल अग्रवाल,रामबाबु सिंह ,गजेन्द्र सराफ,अनिल ठाकुर, राहुल सिंह लगायत उपशाखाका पदाधिकारी सदस्यहरु, आजिवन सदस्यहरु सुभेच्छुकहरुको सहभागितामा सम्पन्न गरिएको छ ।
सो अवसरमा प्रमुख अतिथी अधिवक्ता उपाध्यायले रेडक्रस का जन्मदाता जान हेनरी डयुना को अतुल्य अमुल्य योगदानको बारेमा बताउदै जीवन मरण प्राकृतिक नियम भएको तर कोहि कोहि मानवसेवा गरि एक ईतिहास नै कायम गर्ने हेनरी जस्ता अमर भएर जान्छन् शिक्षा र प्रेरणा दियेर जान्छन जसको कारण ले आज रेडक्रस विश्व ब्यापी रुपमा मानव निर्मित या प्राकृतिक द्वारा आएको आपत बिपत मा मानवसेवा गरिरहेको छ र हामी सबैले पनि रेडक्रसको मूल्य मान्यता लाई आत्मसात गर्दै मनै देखि सेवा गर्ने अटोठ लिउ र मानवता बलियो बनाउन प्रण गरौ किनकी मानवसेवा नै मानवको सर्बोत्तम धर्म हो कर्म हो भन्दै विश्व रेडक्रस दिवसको सम्पुर्ण लाई बधाई तथा शुभकामना दियेका थिए ।
जन्मदाता जान हेनरी डयुना को तस्विरमा माल्यार्पण एवं दिप प्रज्वलन पश्चात् ज्ञात अज्ञात सहिद रेडक्रसकर्मि स्वयंसेवकहरु प्रती मौन धारण गरि श्रद्धाञ्जली अर्पण गर्दै कार्यक्रम को सुभारम्भ गरिएको सो कार्यक्रममा स्वागत मन्तव्य उपसभापति सुरेन्द्र कानुले गरेका थिए भने सहजीकरण सचिव लालबाबु सिंहले गरेका थिए ।
