वीरगन्ज | वीरगञ्ज बौद्ध समितिको आयोजनामा वीरगञ्जमा २५६७ औँ बौद्ध जयन्ति मनाइएको छ ।शान्तिका अग्रदूतका रूपमा विश्वमा परिचित सिद्धार्थ गौतमको २५६७औँ जयन्ती आज शुक्रबार भगवान् विष्णुको नवौँ अवतारका रूपमा जन्म लिएका बुद्धको पूजा, आराधना एवं प्रवचन गरी मनाईएको हो ।
आजका दिन भगवान् बुद्धप्रति आस्था प्रकट गरी मनाइँने यो पर्व गौतम बुद्धको जन्म, बुद्धत्व प्राप्ति र महापरिनिर्वाण प्राप्तिको दिनमा मनाउने चलन रहेको छ । वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग दिवसका नामले महत्वपूर्ण दिनका रुपमा लिने गर्छन् ।

प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ । सिद्धार्थ गौतमले विश्व शान्ति स्थापनाका लागि पु¥याएका योगदानको स्मरणस्वरूप यो पर्व मनाउने गरिएको हो । बुद्धको जन्म, ज्ञान प्राप्ति, महापरिनिर्वाण? (मुत्यु) वैशाख शुक्ल पूर्णिमाकै तिथिमा परेकाले यस दिन नेपाललगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्ध जयन्ती मनाउने गर्दछन् ।‘अहिंसा नै शान्ति र मैत्रीको आधारशिला हो’, यस्ता अनेकौँ कालजयी सन्देशका वाहक भगवान् गौतम बुद्धको २५६७ औँ जयन्ती शान्तिको कामना गर्दै आज भिश्व बौद्ध परिसरमा पनि मनाईएको हो ।वीरगंजको भिश्वा परिसरमा शुक्रबार घुमघाम गर्न आउने सर्वसाधारण , विधार्थी लगायतको उपस्थिती थियो ।

वीरगंजको भिश्वा परिसरमा नेपाल मानव सेवा धर्म समितिको सहयोगमा टाँसिसंघ थर्वालिङ्ग बौद्ध गुम्बाले भिश्वा बौद्ध समितिका प्रथम उपाध्यक्ष बाल मुकुन्द खरेलको अध्यक्षतामा आयोजना गरेको कार्यक्रममा प्रमुख अथिती प्रदेश सांसद विणा शर्मा , टाँसि थर्वालिङ्ग बौद्ध गुम्बाका सह संयोजक राम बहादुर लामा , एन प्याब्सनका जिल्ला अध्यक्ष राम श्रेष्ठ, प्याब्सनका केन्द्रिय सदस्य छेडुप लामा , वीरगंज बौद्ध समितिका कोषाध्यक्ष संजय जोशी , वीरगंज युवा समाजका संस्थापक अध्यक्ष कमल चौलागाई , युवा नेता दिलिपराज कार्की , लगायतले आ आफ्नो मन्तव्य राखेका थिए । वीरगन्जमा बुद्ध जयन्ती मुल समारोह समितिले विहान बुद्ध जयन्तीको अवसरमा र्याली लगायतका कार्यक्रम पनि गरेको थियो भने सरकारले शुक्रबार सार्वजनिक विदा समेत दिएको छ ।