वीरगंज ।आर.के.पटेल। वीरगंज महानगरपालिकामा पर्ने एक मात्र एतिहासिक तिलावे नदि जुन विरगंज महानगरको वडा न.१७ अलौ र वडा न.१९ को बिन्दवासिनी दुबै वाडको बिचमा अवस्थित रहेको छ । यो नदिको आधा जति भाग वडा न.१७ अलौमा पर्छ र आधा भाग जति वडा न.१९ बिन्दवासिनीमा पर्दछ । यो नदि एउटा विश्व मै इतिहास बोकेको नदि हो र हाम्रा पुर्खाहरुको पालामा यसै नदिमा नुहाउने र आफनो कपडहरु धुनुको साथै अन्य पानीको कामहरुमा यस नदिको पानी लाई प्रयोग गर्दथ्यों ।

यहि तिलावे नदिमा करिब ४ बर्ष अघि सम्म यहाँका धेरै स्थानीय पनि नुहाएका छन । खास गरि वीरगंज वडा न.१७ र वडा न.१९ बिन्दवासिनीका बासिन्दाहरु नुहाउने आफनो दैनिकीहरु र अनेकौ चाड पर्वहरुमा महिलाहरुले नुहाउने तथा पुजा पाठ गर्दै आएका थिए। तर बिडम्बना करिब ४ वर्ष अघि देखि यो तिलावे नदिमा धेरै जस्तो कल कारखानाहरुको फोहर कल कारखानावालाहरु आफै सोझै ल्याएर फाल्दै आईरहेका छ्न । यसको साथै तिलवे नदिको किनारमा करिब ४ वर्ष देखी वीरगंज वडा न.१९ को गाउँ भरिको फोहोरहरु उठाएर नदिको किनारमा पनि फालिदै आएको छ ।

वीरगंज वडा न-१९ का वडा अध्यक्षले नदि जस्तो सार्वजनिक ठाउँमा गाउँको फोहर महानगरको गाडी बोलाएर गाउँ बाट उठाएर डंपिंग साइटमा नलगी नदिको किनारमा फोहर फाल्न लगाउनु हुन्छ स्थानीयले आरोप लगाएका छन । नदि जस्तो सार्वजनिक ठाउँलाई ब्यवस्थित गर्नुको सट्टामा फोहर फालेर प्रदुषण भइरहेको प्रति स्थानीयकों आक्रोस रहेको छ । यो नदिमा पहिला कुनै किसिमको फोहरहरु फालिएको थिएन यो नदि एकदमै राम्रो र सफा थियो । यहाँका बासिन्दाहरु भन्नू हुन्छ हामीहरु तिलावे नदिको पानी खाएका छौ। तर यो नदिको अवस्था आज एकदमै नाजुक अवस्थामा पुगेको छ। यस तिलावे नदिमा कहिले-काहीं मान्छेहरुको दाह संस्कारको बेला नदिमा नुहाउने परम्परा छ, तर नुहाउदा खेरी मानिसहरु को खुट्टा सिसाको टुक्राले कटिने पनि गरेको छ। यति मात्र होइन यहाँ फ़ोहार र कचरा पनि फालिएको छ।

यहाँ उष्ण प्लान्ट राईस मिलहरुको कालो राखी राईस मिलहरुले आफनो मिल बाट ल्याएर् सोझै तिलावे नदिको किनारमा फाल्छ्न त्यसले गर्दा नदिको पानी कालो हुने र प्रदुषण पनि बढ़दै गएको छ। दिन प्रतिदिन यो तिलावे नदिको अवस्था विग्रीदै गईरहेको प्रति स्थानीय चिंतित देखिएको छ। इतिहास बोकेको तिलावे नदि आउने दिनमा अब सिरिसिया नदि भन्दा पनि खराब अवस्थामा पुग्ने देखिएको छ । तर यो इतिहास बोकेको तिलावे नदि संग वीरगंज वडा न.१७ अलौ का वडा अध्यक्ष र वडा न.१९ बिन्दवासिनीका वडा अध्यक्ष दुबै वडा अध्यक्ष ज्युहरु लाई कुनै वास्ता छैन वहाँ हरु मौन बसनु भएको स्थानीयकों आरोप रहेको छ ।

कृपया अलि कति तिलावे नदिको अवस्था प्रति पनि ध्यान गरिदिनुस । अहिले पनि समय छ । यो तिलावे नदि लाई व्यवस्थित गरिदिनु हुन यो सम्बन्धित निकाय सम्म पुरोस र सम्बन्धित निकायको ध्यान तिलावे नदी तिर जावोस भनेर वीरगंज महानगरपालिका वडा न.१९ बिन्दवासिनीका बासिन्दा निरज कुमार यादव र अनिल यादवले वीरगंज वडा न.१७ र वडा न.१९ का वडा अध्यक्षलाई आग्रह गरेका छन् ।