वीरगंज । काठमाडाैंकाे टोखा नगरपालिका–३ सूर्य दर्शन हाईटस्थित फुड किङ्ग दरबार रेस्टुरेन्टमा जुवातास खेलिरहेको अवस्थामा १० जनालाई प्रहरीले पक्राउ गरेको छ ।

नुवाकोट शिवपुरी गाउँपालिका–६ घर भइ टोखा नगरपालिका–३ बस्ने ३० वर्षीय शेषमान तामाङलगायत १० जनालाई गएराति प्रहरीले पक्राउ गरेको हो ।

उक्त रेस्टुरेन्टमा जुवातास खेलिरहेको भन्ने खबर प्राप्त हुनासाथ प्रहरी वृत्त महाराजगंजबाट खटिएको प्रहरीले उनीहरूलाई एक हजार दरको १०० क्वाइन, दुई हजार दरको १४० र पाँच हजार दरको ५४ क्वाइनसमेत गरी जम्मा ३०४ क्वाइन र तास तीन बुकसहित पक्राउ गरिएको जनाएको छ । अनुसन्धान भइरहको प्रहरीले जनाएको छ ।