वीरगञ्ज । नेपाल विद्यार्थी संघको पर्सा जिल्ला सचिवमा फिरोज अंसारी मनोनित भएका छन् । शनिबार बसेको नेवि संघ पर्साको बैठकको निर्णय बमोजिम अंसारी सचिवमा मनोनित भएका हुन् । आईतबार नेविसंघ पर्साका अध्यक्ष रमेश यादवले पत्र हस्तान्तारण गर्दै अंसारीलाई सचिवको जिम्मेवारी दिएका हुन् ।

जिल्ला सचिवमा मनोनयन भएपछि अंसारीले खुशी व्यक्त गरेका छन् । विद्यार्थीहरु उपर आइपर्ने हरेक समस्याको यथोचित समाधानका लागि आफू सदैव तत्पर रहने अंसारीले बताए । विगत लामो समयदेखि विद्यार्थी राजनीतिमा सक्रिय अंसारी युवाहरुमा निकै लोकप्रिय छन् । अंसारी क्रिकेट खेलाडी पनि हुन। उहाले नेपाल र भारतमा विभिन्न प्रतियोगितामा राष्ट्रीय स्तरमा क्रिकेट खेली सक्नुभएको छ । त्यो सँगै उहाले शैक्षिक पेशामा पनि अनुभव लिनुभएको छ ।

विभिन्न सामाजिक कार्यहरुको नेतृत्व सम्हालेका उनको समुदायप्रतिको सुझबुझ प्रशंसनीय छ । विगत १० वर्ष देखि नेपाली काँग्रेसमा लागेका उनी नेपाली कांग्रेसका क्रियाशिल सदस्य समेत हुन् । उहा सचिव भएपछि विद्यार्थी र युवाहरुको मुद्दालाई अगाडि बढाउनुका साथै नेपाली काँग्रेसको संगठनमा बल मिल्छ भन्ने कुरामा पर्सा काँग्रेसी नेताहरु बताउँछन्।