जनकपुर । सामाजिक सञ्जाल फेसबूकमा नक्कली आईडी बनाएर महिलाको चरित्र हत्या १ जनालाई साइबर ब्यूरोले पक्राउ गरेको छ । प्रहरीले सप्तरीको सुरुङ्गा नगरपालिका–१ बस्ने १९ वर्षीय सुमितकुमार थापालाई पक्राउ गरेको हो ।

फेसबूकमा पीडित महिलाको तस्वीरसँगै अपरिचित महिलाको अश्लील तस्वीर राखेर पोस्ट गरी अनर्गल र अश्लील शब्दहरू लेखी पोस्ट गर्नुका साथै म्यासेन्जरबाट समेत पीडितका आफन्तसँग कुराकानी गरी बदनाम गरी मानसिक तनाव दिई चरित्र हत्या गरेको आरोपमा प्रहरीले उनलाई पक्राउ गरेको छ ।

ब्युरोका उपनिर्देशक प्रहरी उपरीक्षक भाग्येन्द्र पुरुष ढकालले थापालाई ईलाका प्रहरी कार्यालय भेडियाको सहयोगमा पक्राउ गरी ब्यूरोमा दाखिला भई काठमाडौं जिल्ला अदालतबाट ७ दिन म्याद थप भई अनुसन्धान भइरहेको बताए ।