वीरगंज । पार्टी भित्रैबाट गदारी हुन थालेपछि पर्साको क्षेत्र नं. ४ बाट उम्मेदवार बनेका नेकपा एमालेका दुई नेताको भविष्य संकट परेको छ । नेकपा एमाले–जसपा गठबन्धनबाट पर्साको निर्वाचन क्षेत्र नं. ४ बाट प्रतिनिधि सभा सदस्यमा जगरनाथपुर गाउँपालिका पूर्व अध्यक्ष जालिम मियाँ तथा क्षेत्र नं. ४ को “क” बाट प्रदेश सदस्यमा एमाले पर्साका अध्यक्ष जयप्रकाश थारु उम्मेदवार रहेका छन् । तर यी दुई नेतालाई एमाले भित्रैबाट असहयोग भईरहेको स्रोतको दावी छ । बढी मतदाता रहेको पर्साको दुई गाउँपालिका स्थानिय तहका नेताहरु जिल्ला सचिव मनोज गुप्ताको दबावमा लाटिन छापको लागि मत माग्न थालेपछि मियाँ र थारुलाई जसपाको नेताहरुसँग पनि सहयोग प्राप्त नहुने संकेत देखिएको छ । क्षेत्र नं. ४ मा जसपाले गठबन्धनलाई मजबुद बनाउँनु पर्ने माग गर्दै आएको छ ।जगरनाथपुर गाउँपालिकामा रहदा भ्रष्टाचारको चरम सिमा पार गरेका नेता जामिल मियाँको जुुलमबाट नेकपा एमालेका नेताहरुलाई मुक्ति चाहिएको भन्दै स्थानिय नेताहरूले नै असहयोग गर्न थालेपछि उनको जित संटकमा परेको छ ।

नेपाली कांग्रेसका प्रतिनिधि सभा सदस्य उम्मेदवार रमेश रिजाललाई कडा टक्कर दिई रहेका नेता मियाँलाई एमाले भित्रबाट चरम असहयोग भईरहेको छ । यता जसपाले क्षेत्र नं. ४ को “ख” बाट आफ्नो पार्टीका उम्मेदवारलाई एमालेबाट असहयोग भए “क” का उम्मेदवार जयप्रकाश थारुको हार पनि निश्चित रहेको चेतावनी दिएको छ । क्षेत्र नं. ४ मा नेकपा–जसपा गठबन्धन र बाम लोकतान्त्रिक गठबन्धन भित्र कडा टक्कर हुने अनुमान गरिएकाे छ ।निर्वाचन क्षेत्र नं. ४ का जनता भ्रष्टाचारीलाई भोट दिने मनस्थितीमा नरहेको भन्दै नेकपा एमालेकै छिपरहमाई गाउँपालिका तथा कालिकामाई गाउँपालिकाका नेताहरु टालटिन लिएर घरदैलाे गरी रहेका छन् । नेकपा एमाले भित्र देखिएको बिवादलाई मिलाउन मियाँ र थारुले धेरै पहल गरी रहेको भएपनि हाल सम्म पार्टीका जिल्ला सचिव मनोज गुप्तालाई कारवाही गराउँन सकेका छैनन् ।

जितको नजिक पुगेका मियाँ,थारु र सिंगासन कलवारलाइ भारी मतले जिताउन जपसा पार्टीले गठबन्धनलाई बलियो बनाउँन दवाव दिइरहेकाे छ । जसपाका नेताले गठबन्धनमा गदारी भए नेकपा एमाले पर्सा क्षेत्र नं. ४ मा निल हुने प्रतिक्रिया दिएका छन् । जालिम मियाँको क्षेत्रमा नेकपाएका स्थानिय नेताहरुले अलग अलग पार्टी प्रवेश कार्यक्रम गर्दै आएका छन् । एक खेमाले एमालेमा नेता कार्यकर्ताहरुलाई प्रवेश गराउँदै लाटलिन छापमा मत हाल्न अनुरोध गर्दै आएका छन् । नेताहरुको यो रवैया देखेर आफु निकै दुःखि रहेको नेकपा एमालेका अध्यक्ष जयप्रकाश थारुले बैठक डाकेरै रोस प्रकट गरेका छन् ।