वीरगन्ज | पर्सामा रहेका भूमिहीन दलित , सुकुम्बासी र अव्यवस्थित बसोबासीको व्यवस्थापनका लागि राष्ट्रिय भुमि आयोग र जिल्लाका आठ वटा पालिकाहरु बिच सम्झौता भएको छ ।वीरगन्ज स्थित राष्ट्रिय भुमि आयोग पर्साको कार्यालयमा बिहीबार आयोजित कार्यक्रममा आयोग र ८ वटा पालिका बिच सम्झौता भएको हो ।
बिहीबार आयोग र पोखरीया नगरपालिका, विन्दवासिनी ,सखुवाप्रसौनी , पटेर्वासुगौली , जगरनाथपुर ,पकाहामैनपुर ,जिराभवानी र छिपहरमाइ गाँउपालिका बिच सम्झौता भएको राष्ट्रिय भुमि आयोग पर्साका अध्यक्ष तबरेज अहमदले जानकारी दिए ।
सम्झौतापत्रमा राष्ट्रिय भुमि आयोगका तर्फबाट केन्द्रिय विज्ञ सदस्य राघव यादव तथा पोखरीया नगरपालिकाकी उपमेयर रुबी ठाकुर, विन्दवासिनी गाँउपालिकाका अध्यक्ष प्रमोद तिवारी, सखुवाप्रसौनी गाँउपालिकाका अध्यक्ष यशवन्त यादव , पटेर्वासुगौली गाँउपालिकाका अध्यक्ष दिनेश चौधरी , जगरनाथपुर गाँउपालिकाका अध्यक्ष श्रीकान्त यादव ,पकाहामैनपुर गाँउपालिकाका अध्यक्ष सुरेश मेहताले हस्ताक्षर गरेको अहमदले जानकारी दिए ।जिल्लाका ६ वटा पालिकासंग भने यसअििघ चैतमा नै सम्झौता भइसकेको अहमदले बताए ।
सम्झौता पछि अब राष्ट्रिय भुमि आयोग पर्साले ३५ दिने सूचना आह्वान गर्ने र त्यसपछि लक्षित समुदायबाट आवेदन संकलन गरेर भूमीहीन र सुकुम्बासीहरुको व्यवस्थापनका लागि आवश्यक प्रकृया अगाडि बढाइने आयोगका जिल्ला अध्यक्ष अहमदले बताए ।
‘हाम्रो अभियान भूमिहीन दलित, भूमिहीन सुकुम्बासी र अव्यवस्थित बसोबासीको समस्याको समाधान हाम्रै पालामा’ भन्ने नारालाई साकार पार्न राष्ट्रिय भूमि आयोग पर्साले नयाँ नेतृत्व पाएसंगै सक्रियता बढाएको आयोगका पर्सा सदस्य सुरेन्द्र सिंहले बताए ।
