वीरगंज । पर्साको ठोरी गाउँपालिका वडा नम्बर ३ मा बुधबार भालुको आक्रमणमा परि एक जना व्यक्ती गम्भीर घाइते भएका छ्न् । जंगलको छेउको आफ्नै खेतमा जादा जंगलबाट आएको भालुले आक्रमण गर्दा ठोरी गाउँ पालिका वडा नम्बर ३ निवासी दल बहादुर श्रेष्ठ घाइते भएको छन् ।
भालुले आक्रमण गर्दा श्रेष्ठको देब्रे गोडा र पाकुरामा गम्भीर चोट लागेको छ । आफ्नै खेतमा पानी लागाइरहेको बेलामा एक्कासी भालु आएर आक्रमण गर्न थालेपछि केही बेर सम्म श्रेष्ठ र भालुको कुस्ताकुस्ती समेत परी त्यस ठाउँबाट श्रेष्ठ भाग्न सफल भएको उनले बताए ।
घाइते श्रेष्ठलाई वीरगञ्ज नारायणी अस्पतालमा सामान्य उपचार गरेपछि थप उपचारको लागि चितवन मेडिकल कलेज भरतपुर लगिएको प्रहरीले जनाएको छ ।
