वीरगञ्ज । वीरगञ्ज महानगरपालिका वडा नम्बर १७ अलौँको ब्रहमस्थानस्थित हनुमान मन्दिरमा मुर्तीको प्राणप्रतिष्ठाण गरिएको छ ।

वीरगञ्ज महानगरपालिका वडा नमबर १७ की निवर्तमान अध्यक्ष सुखरानी यादवको कोषबाट निर्मित हनुमान मन्दिरमा मोहीत एग्रो इन्डष्ट्रिज प्रा.ली.को सहयोगमा मुर्तीको प्राणप्रतिष्ठाण गरिएको हो ।

चैत २०७८ मा निर्मित मन्दिरमा मंगलवार मुर्तीको प्राणप्रतिष्ठाण गरिएको हो । प्रा.लीका प्रबन्ध निर्देशक एवम् वीरगञ्ज उद्योग वाणिज्य संघका अध्यक्ष डा. सुवोध कुमार गुप्ताले मुर्तीको प्राणप्रतिष्ठाण गरेका हुन् । प्राणप्रतिष्ठानपश्चात मन्दिर समितिका अध्यक्ष शिबनारायण साह कानुलाई मन्दिरको साँचो हस्तान्तरण गरिएको थियो । कानुलाई नै मन्दिरको हेरचाह गर्ने जिम्मेवारी दिइएको छ । माँ द्वार देवी मन्दिर पूजा समितिको व्यवस्थापनमा भएको मुर्ती प्राणप्रतिष्ठाणका अवसरमा वडा अध्यक्ष सञ्जिव बहादुर क्षेत्री, डा. गुप्ताका बुबा शुकदेव प्रसाद भगत, आमा कान्ती देवी, दिनेश प्रसाद कलवार, प्रमोद प्रसाद कलवार, जसपाका नेता बिरेन्द्र प्रसाद यादव लगायतको उपस्थिती रहेको थियो ।

यसअघि आइतवार कलश यात्रासमेत निकालिएको थियो । कलश यात्रामा हिन्दु धर्मप्रति आस्थावान स्थानीयको उल्लेख्य उपस्थिती रहेको थियो ।