वीरगंज । नेपाल फाइनान्स लिमिटेडले हकप्रद निष्काशन गर्दा बिक्री नभएका कुल १४ लाख ३९ हजार ४ सय १२ दशमलव २७५ कित्ता शेयर लिलाम गरेको छ । कम्पनीले यी शेयर असार १७ गतेदेखि असार २४ गतेसम्म लिलाममा ल्याएको हो । तसर्थ, यसमा आवेदन दिने अन्तिम दिन आज रहेको छ | शेयर लिलामीको लागि प्रभु क्यापिटल बिक्रि प्रबन्धक रहेको छ ।

जस मध्ये ११ लाख ३६ हजार ७ सय १६ दशमलव १८७ कित्ता शेयर संस्थापक समुहको रहेको छ भने बाँकि ३ लाख २ हजार ६ सय ९६ दशमलव ८८ कित्ता शेयर सर्बसाधारण समुहको रहेको छ । शेयरको न्यूनतम मूल्य १०० रुपैयाँ कायम गरिएकोले लगानीकर्ताले सो मूल्य भन्दा बढी कबुल गरेर आवेदन दिनुपर्ने छ ।

इच्छुक लगानीकर्ताले प्रभु क्यापिटलको कार्यालय कमलादी, प्रभु बैंकका शाखा कार्यालयहरु बिराटनगर, बिरगंज, पोखरा, नेपालगंज, सुर्खेत र धनगढीबाट आवेदन दिन सकिने छ । त्यस्तै नेपाल फाइनान्सको केन्द्रीय कार्यालय कमलादी तथा शाखा कार्यालयहरु बनेपा, माछापुच्छ्रे, लगनखेल र तिलोत्तमाबाट आवेदन दिन सकिनेछ । आवेदन दिंदा न्युनतम १०० कित्ता र १० ले भाग जाने गरि अधिकतम पुरै कित्ताको लागि समेत आवेदन दिनुपर्ने छ ।