बारा | बारामा कार र मोटरसाईकलको ठक्करले दुईजनाको मृत्यु भएपछि क्षतिपूर्ति माग गर्दै प्रदर्शन गरिएको छ। बारामा भएको घटनालाई लिएर बिहीबार जिल्लाको कोल्हबी नगरपालिकामा प्रदर्शन गरिएको हो।

मृत्यु हुनेमा कोल्हबी नगरपालिकामा पर्ने कोल्हबी तामागढी सडकखण्डमा बुधबार राति दुर्घटना हुँदा कोल्हबी नगरपालिका वडा नम्बर २ का ३८ वर्षीय पेमा दोर्जे घिसिङ र मोटरसाइकलमा सवार त्यहि ठाँउका ४० वर्षीय डेनी स्याङताङबोको मृत्यु भएको थियो।

तामागढीबाट कोल्हबीतिर गइरहेको बा ११ च ४५११ नम्बरको कारले विपरित दिशाबाट आइरहेको ना ५९ प १२७० नम्बरको मोटरसाइकलाई ठक्कर दिँदा घटनास्थलमै मृत्यु भएको थियो। सोही विषयलाई लिएर मृतकका परिवारलाई क्षतिपूर्तिको माग गर्दै स्थानीयले कोल्हबी बजारमा प्रदर्शन गरेका छन्। घाइते कार चालकलाई प्रहरीले भने नियन्त्रणमा लिएको छ।