वीरगञ्ज । वीरगञ्जको रजतजयन्ती चोकबाट प्रतिबन्धित भारतीय नोटसहित एक जनालाई प्रहरीले पक्राउ गरेको छ ।पक्राउ पर्नेमा पर्साकाे बहुदरमाई नगरपालिका ४ का २५ वर्षीय अजय कुमार शर्मा रहेको पर्सा प्रहरीले जनाएको छ ।

इनर्वा चौकिबाट खटेको टोलीले रजतजयन्ती चोकमा जाँच गर्ने क्रममा १ लाख ४८ हजार ५ सय रुपैयाँ भारतीय नोट फेला परेपछि पक्राउ गरिएको जिल्ला प्रहरी कार्यालय पर्साका प्रवक्ता प्रहरी नायव उपरीक्षक ओमप्रकाश खनालले बताए । ना.१५ प २३७२ नम्बरको मोटरसाइकलमा रक्सौलबाट आइरहेका शर्माले बोकेको झोला जाँच गर्दा प्रतिबन्धित भारतीय रूपैयाँ ५ सय दरको नोट २ सय ९६ थान र रु १ सयको नोट ५ थान गरी जम्मा १ लाख ४८ हजार ५ सय फेला परेको उनले बताए ।

प्रतिबन्धित भारतीय रुपैयाँसहित पक्राउ परेका शर्मासहित मोटरसाइकललाई आवश्यक कारबाहीका लागि राजश्व अनुसन्धान कार्यालय पथलैयामा बुझाइएको पनि प्रवक्ता खनालले जानकारी दिए