वीरगन्ज ।प्रिमियर इन्स्योरेन्स कम्पनी नेपाल लिमिटेडले आजबाट ५ लाख ४२ हजार ९६५ कित्ता संस्थापक शेयरको लिलामी विक्री खुला गरेको छ ।लिलामी शेयरको मूल्य प्रतिशेयर न्यूनतम मूल्य ५०० रुपैयाँ तोकिएको छ । कम्पनीको लिलामी शेयरमा इच्छुक संस्थापकहरु वा व्यक्ति, कम्पनी, संघ, संस्थाहरुले खरिद गर्न सक्नेछन् ।

लिलामीको शेयर खरिदका लागि साउन २२ गतेसम्म उक्त शेयर लिलामीमा विक्री गर्न लागेको हो । कम्पनीको शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।

खरिदकर्ताले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्नेछ । तोकिएको मूल्यभन्दा कम मूल्य अंकित गरी पेश भएको बोलपत्र स्वतः रद्द हुने कम्पनीले जानकारी दिएको छ ।शेयर खरीदका लागि बोलकबोल गर्दा न्यूनतम ५०० कित्ता वा अधिकतम सम्पूर्ण कित्ता शेयर माग गर्न सकिने व्यवस्था छ ।