वीरगन्ज । नेपालमा बितेको २४ घण्टामा १ हजार ८०१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ६२८ जनामा कोरोना परीक्षण गर्दा १ हजार २२३ जनाको पिसिआर र ५७८ जनामा एन्टेजिन विधिबाट गरिएको परीक्षणमा कोरोना पुष्टि भएको हो ।

बितेको २४ घण्टामा २३ जना संक्रमितले ज्यान गुमाएका छन् । योसँगै हालसम्म मृत्युु हुनेको कूल संख्या ९ हजार ५५० पुगेको छ । त्यस्तै, पछिल्लो २४ घण्टामा १ हजार ६६७ संक्रमित निको भएका छन् । यससँगै निको हुनेको कूल संख्या ६ लाख ३२ हजार ७४ पुगेको छ । हाल नेपालमा २५ हजार ४८५ जना सक्रिय संक्रमित रहेका छन् भने निको हुने दर ९४.७ प्रतिशत रहेको छ ।

गत २४ घण्टामा काठमाडौँ जिल्लामा सबैभन्दा बढी २३४ संक्रमित थपिएका छन् भने चितवनमा १६१ जना र कास्कीमा ११५ जनामा संक्रमण पुष्टि भएको छ । यसैगरी झापामा ८९ जना, ललितपुरमा ६४ जना र भक्तपुरमा ३६ जना संक्रमित थपिएका छन् ।