वीरगन्ज । नेपाल प्रहरीको अपराध नियन्त्रण र अपराध अनुसन्धान मार्फत शान्ति सुरक्षा कायम गर्ने जिम्मेवारी बहनको सिलसिलामा यश आर्थिक वर्षभरिमा सञ्चालित विविध क्रियाकलाप र फलस्वरुप हासिल गरेको उपलब्धि प्रगति विवरण समयसमयमा प्रेस विज्ञप्ति तथा प्रेस मिटद्वारा जिल्ला प्रहरी कार्यालय पर्सा बाट सार्वजनिक गर्दै आएको थियो ।

यसै सन्दर्भमा अपराध नियन्त्रण, अपराध अनुसन्धान र कानून कार्यान्वयन गर्ने क्रममा सीमित स्रोत र साधनको उच्चतम प्रयोग गरी अधिकतम उपलब्धि हासिल गर्ने प्रयासस्वरूप यस आर्थिक वर्षमा गत वर्षहरूभन्दा तस्करी नियन्त्रण, लागुऔषध बिरुध्द कारबाही, अवैध वित्तीय कारोबार (हुण्डी) बिरूध्द कारबाही र जघन्य अपराध अनुसन्धान लगायतमा उल्लेखनीय सफलता हासिल गरेको र समग्र कार्यसम्पादनस्तर सकारात्मक रहेको जिल्ला प्रहरी कार्यालय, पर्साले जनाएको छ।

तथ्याङ्कगत पुष्ट्याइँ रहेको अवस्था र विविध बिपद् व्यवस्थापनका सिलसिलामा विश्वव्यापी महाव्याधि कोभिड-१९ नियन्त्रणको लागि पर्सा जिल्लामा जारी भएको निषेधाज्ञा कार्यान्वयन गराई संक्रमण नियन्त्रणका लागि विभिन्न किसिमका दण्डात्मक र सचेतनामुलक कामकारबाहीको परिणामस्वरुप हाल पर्सा जिल्लामा सामान्य अवस्था सृजना हुन-गर्नमा योगदानकारी भूमिका समेत निर्वाह भई आएको जिल्ला प्रहरी कार्यालय, पर्साले जनायो ।

सबै कुराको सन्दर्भ स्मरण गराउँदै आर्थिक वर्ष २०७७।०७८ मा पर्सा जिल्ला प्रहरी कार्यालय पर्साबाट शान्तिसुरक्षा तथा अमनचयन कायम, अपराध अनुसन्धान, अपराध नियन्त्रण, कोभिड-१९ नियन्त्रण र निषेधाज्ञा कार्यान्वयन तथा विवध प्रहरी कारबाहीको सिलसिलामा हालसम्म भएका कार्य तथा प्रगति विवरणको तुलनात्मक तथ्याङ्क निम्नानुसार जिल्ला प्रहरी कार्यालय, पर्साले प्रेषित गरेको छ ।