वीरगन्ज । प्रधानमन्त्री शेरबहादुर देउवाले पद तथा गोपनियताको सपथग्रहण गरेका छन् । शीतलनिवासमा राष्ट्रपति विद्यादेवी भण्डारीले उनलाई सपथग्रहण गराएकी हुन् ।

राष्ट्रपतिद्वारा देउवाको नियुक्ति सम्न्धबमा प्रयोग गरिएको भाषालाई लिएर विवाद भएपछि सपथग्रहणमा ढिलाइ भएको थियो । सूचनामा संविधानको धारा उल्लेख नगरेको भन्दै असन्तुष्टि जनाएका थिए । राष्ट्रपति कार्यालयले विज्ञप्ति सच्याएपछि सपथग्रहण भएको हो । संविधानको धारा ७६ (५) अनुसार प्रधानमन्त्री नियुक्त गरिएको भनेर सच्याइएको छ ।

सपथग्रहण लगत्तै नवनियुक्त प्रधानमन्त्री शेरबहादुर देउवाले पाँच सदस्यीय मन्त्रीपरिषद् बनाएका छन् । बालकृष्ण खाँड गृहमन्त्री, ज्ञानेन्द्रबहादुर कार्की कानूनमन्त्री पम्फा भुषाल ऊर्जा तथा जलस्रोत मन्त्री र जनार्दन शर्मा अर्थमन्त्री बनेका छन् । उनीहरुलाई पनि राष्ट्रपतिले सपथग्रहण गराएकी छन् ।