वीरगञ्ज । प्रदेश २ का खानेपानी तथा ऊर्जामन्त्री ओमप्रकाश शर्माले अहिलेसम्म मन्त्रालयका लागि कोठा समेत नदिइएको गुनासो गरेका छन् । अर्कै मन्त्रालयको कोठा र भाडाको गाडी चढेर हिंडिरहेको उनले बताए ।
आफ्नो स्वागत तथा सम्मानमा मंगलबार वीरगञ्जमा आयोजित कार्यक्रममा मन्त्री शर्माले आफूले केही गरेर देखाउने सोच राखेर आएको बताए ।
‘३५ करोडको बजेट छ, आठवटै जिल्लामा काम गर्नुपर्छ, खानेपानी नपुगेको ठाउँमा ओभरहेड ट्यांकी बनाएर पानी दिने प्राथमिकतामा राखेको छु । त्यसका लागि आत्मराम ओझाको नाममा नोजल परियोजना राखेको छु,’ उनले भने ।
उनले अमलेखगञ्जका नागरिकलाई जसरी पनि खानेपानीको सुविधा उपलब्ध गराउने प्रतिबद्धता जनाए । यस्तै प्रदेश सरकारले ल्याएको दमकल र बस राख्दाराख्दै बिग्रन लागेको भन्दै उनले वीरगञ्ज पथलैया औद्योगिक करिडोरका लागि दमकल माग गर्न र वीरगञ्ज टु सिमरा बस चलाउनुपर्ने बताए ।
