वीरगन्ज। आउने साउन दुई गतेदेखि पुनः निषेधाज्ञा हुन्छ ? यो प्रश्नले सार्वजनिक यातायातमा चर्चा पाइरहन्छ। सर्वसाधारण जम्मा भएको ठाउँमा पनि यो प्रश्नले स्थान पाउँछ। सरकारले कर उठाउनैका लागि मात्र खोलेको हो भन्ने आरोप पनि लाग्ने गरेको छ।कोरोना रोकथाम तथा नियत्रण गर्न बनेको विधेयक २०७८ ले डिसीसीएमसीलाई कोरोना नियन्त्रणको जिम्मेवारी दिएको छ।  बैशाख १६ गतेदेखि लगाएको निषेधाज्ञा असारको दोश्रो साताबाट स्माट्र निषेधाज्ञा हुँदै खुल्ने क्रममा छ।

शनिबार पनि बैंकहरु खुल्ला भएपछि पनि कर उठाउनकै लागि पनि निषेधाज्ञा खुलेको आरोपलाई अझ मजबुद् बनाएको छ। सार्वजनिक स्थान र यातायातमा हुने छलफलका बारेमा कोरोनाको संक्रमणदर बढेपछि निषेधाज्ञामा जान सकिने तर्फ संकेत गर्छन्। ‘कोरोना संक्रमण दर बढ्दै गएपछि निषेधाज्ञा हुन सक्छ। हालसम्म प्रशासनले यस विषयमा छलफल गरेको छैन। ‘रोग बढेपछि निषेधाज्ञाको विकल्प हुँदैन। तर, असारमा कर उठाउनकै लागि मात्र खोलिएको भन्ने  हो ? कोरोना संक्रमणदर घटेका कारणले खोलेका हो । बढेपछि बन्द गर्नु पर्ने हुनसक्छ।

कोरोनाको पछिल्लो स्थिति के छ ?

पछिल्लो समय नेपालमा कोरोनाको संक्रणदर बढ्दो क्रममा छ। स्वास्थ्य तथा जनसंख्या मन्त्रालयको तथ्याङ्क अनुसार दुई हजार १ सय बढी संक्रमित थपिएका छन्। मन्त्रालयले सर्वाजनिक गरेको रिपोर्टमा १ हजार ३ सय ५३ जना पीसीआर परीक्षणबाट पोजेटिभ देखिएका थिए भने ८ सय १६ जना एन्टिजेन परीक्षणबाट संक्रमित थपिएका हुन्।मन्त्रालयका अनुसार २५ जिल्लामा २ सयदेखि ४सय ९९ सम्म कोरोनाका सक्रिय संक्रमित रहेका छन् भने अन्य जिल्लाहरुमा १ देखि १ सय ९९ जनासम्म सक्रिय संक्रमित रहेका छन्। हालसम्म शून्य संक्रमित कुनै पनि जिल्लामा देखिएको छैन।

स्वास्थ्य तथा जनसंख्या मन्त्रालयले अझै पनि कोरोनाको महामारी कम नभएको भन्दै सजग रहन अनुरोध गरेको छ। मन्त्रालयका सह–प्रवक्ता डा. समीर कुमार अधिकारीले सामाजिक सञ्जालमा भिडियो राख्दै सुरक्षित रहन आग्रह गरेका छन्।निषेधाज्ञापछि अफिस खुलेकाले अफिसजाँदा र घर जाँदा अपनाउनु पर्ने सतर्कता भिडियोबाट जानकारी गराइएको छ। स्वास्थ्यका मापदण्ड सधै अपनाउन् पनि मन्त्रालयले अनुरोध गरेको छ।