वीरगन्ज । प्रधानमन्त्री केपी शर्मा ओलीले सात वटा मन्त्रालय आफैसँग राखेका छन् । शुक्रबार प्रधानमन्त्री ओलीले  जनता समाजवादीका नेताहरुलाई सरकारमा सहभागी गराएर मन्त्रिपरिषद् पुनर्गठन गरेका थिए। मन्त्रिपरिषद् पुनर्गठनका क्रममा उनले ७ मन्त्रालयले आफैसँग राखे ।

जसमा उद्योग वाणिज्य तथा आपूर्ति, कृषि तथा पशुपन्छी विकास, गृह मन्त्रालय, रक्षा मन्त्रालय, वन तथा वातारण मन्धालय, संघीय मामिला तथा सामान्य मन्त्रालय र सञ्चार तथा सूचना प्रविधि मन्त्रालय रहेका छन्। प्रधानमन्त्री ओलीले परराष्ट्र, स्वास्थ्य लगायतका केही मन्त्रालयमा परिवर्तन गरी महत्वपूर्ण सात वटा मन्त्रालय आफुसँग राखेका हुन् ।

प्रधानमन्त्री ओलीले  विष्णु पौडेलले उपप्रधानसहित अर्थ, राजेन्द्र महतोले उपप्रधानसहित शहरी विकास, रघुवीर महासेठले उपप्रधानसहित परराष्ट्र, शेरबहादुर तामाङले स्वास्थ्यमन्त्री, कृष्णगोपाल श्रेष्ठले शिक्षा, बसन्तकुमार नेम्वाङले भौतिक पूर्वाधार तथा यातायात, लीलानाथ श्रेष्ठले कानून न्याय तथा संसदीय मामिला र शरतसिंह भण्डारीले ऊर्जा मन्त्रालयको जिम्मेवारी दिए ।

यस्ते ओलीले अनिलकुमार झाले खानेपानी तथा सरसफाई, विमल श्रीवास्तवले श्रम तथा रोजगार, उमाशंकर अरगरियाले वन तथा वातावरण, लक्ष्मणलाल कर्णले भूमि व्यवस्था, चन्दा चौधरीले महिला,बालबालिका तथा ज्येष्ठ नागरिक, एकवाल मियाँले युवा तथा खेलकुद मन्त्रालयको जिम्मेवारी दिएका छन् ।

यस्तै चन्द्रकान्त चौधरी ऊर्जा राज्यमन्त्री र रेणुका गुरुङ महिला,बालबालिका तथा ज्येष्ठ नागरिक राज्यमन्त्री बनेकी छन् ।