वीरगञ्ज, | पर्सा क्षेत्र नम्बर १ बाट निर्वाचित संघिय सांसद प्रदिप यादवले खेलकुद प्रति युवाहरुको रुचि बढाउन जरुरी रहेको बताउनु भएको छ । वीरगञ्ज स्थित नारायणी रगंशालाको क्रिकेट ग्राउण्डमा आज देखी शुरु भएको वीरगञ्ज क्रिकेट लिगको उद्धघाटन गर्दै सांसद यादवले खेलकुदले युवाहरुको शारिरीक तन्दरुस्ती हुने भएकाले खेलकुद तर्फ युवाहरुको आकर्षण बढन् जरुरी रहेको बताए । जनता समाजवादी पार्टीका केन्द्रिय सदस्य समेत रहेका सांसद यादवले खेलकुद क्षेत्रलाई व्यवस्थीत गर्न संघ संस्थाहरुको समेत सक्रिय सहभागीताले मात्र युवाहरुलाई खेलकुद क्षेत्र तर्फ आकर्षित गर्न सकिने बताए । खेलकुद क्षेत्रलाई व्यवस्थित गर्न हामी सबैको दायीत्य भएको बताउदै सांसद यादवले खेलाडीहरुको मनोबल बढाउन दर्शकहरुको उत्साहपुर्वक सहभागीता हुन पनि जरुरी रहेको बताए । सांसद यादवले खेलकुद क्षेत्रलाई थप मजबुत बनाउन आफुले सक्दो सहयोग गर्ने प्रतिबद्धता समेत व्यक्त गर्नु भयो । वीरगञ्ज क्रिकेट क्लबको आयोजनामा आज देखी शुरु भएको क्रिकेट प्रतियोगितामा प्रदेश २ का विभिन्न क्लबहरु बिच प्रतिस्पर्धा हुने छ । आज हुने खेलमा वीरगञ्ज क्रिकेट क्लब र सिबीटी कलैया विच प्रतिस्पर्धा हुने छ । क्लबका उपाध्यक्ष फारुख अंसारीको अध्यक्षतामा भएको उद्धघाटन कार्यक्रममा विशिष्ट अतिथी प्रदेश सांसद जन्नत अंसारी, वडा नम्बर १३ का वडाध्यक्ष तुफान अंसारी, पर्सा क्रिकेट संघका अध्यक्ष दाउद अंसारी लगाएतको उपस्थिती रहेको थियो ।