वीरगञ्ज । नेकपा ओली समूह निकट अनेरास्ववियू पर्साकाे जिल्ला भेला बुधबार वीरगञ्जमा सम्पन्न भएको छ ।होटल कुमु प्यालेशमा भएकाे भेलालाई सम्बोधन गर्दै नेकपा पर्सा जिल्ला अध्यक्ष प्रभु हजराले देशको जिम्मेवारी अखिलकाे काँधमा थपिएको बताए । उनले देशलाई संक्रमणकालिन अवस्थाबाट निकाश दिन विद्यार्थीको भुमिका अहम भएकोले सबै विद्यार्थीहरुलाई एकजुट हुन आग्रह गरे ।

संबिधानसभा सदस्य एवम् केन्द्रिय सदस्य राजकुमार गुप्ताले विद्यार्थी देशको कर्णधार भएकोले विद्यार्थीहरुलाई संगठित हुन अनुरोध गरे । उनले विद्यार्थी संगठनबाट नेता उत्पादन हुने भएकोले संगठनलाई विस्तार गरी नेतृत्वदायि भुमिका निर्वाह गर्न आग्रह गरेका थिए ।

त्यसैगरी कार्यक्रममा बोल्दै युवा नेता यसवन्त यादवले देशको नेतृत्व युवा पिडिले लिने समय आएकोले विद्यार्थी नेताहरुलाई क्रियाशील भएर इमान्दारिकता पूर्वक राजनीत गर्न आग्रह गरेका थिए । उनले देशका सबै ठूला नेता विद्यार्थी राजनीतिको उत्पादन भएकोले यसलाई राजनीतिको नर्सरीका रुपमा मान्न सकिने तर्क गरेका थिए ।

युवा नेता यादवले देशमा केहि उच्छृंकल व्यक्तिहरुले अस्थिरता ल्याउँन खोज्दा प्रधानमन्त्री केपी शर्मा ओलीले जनतालाई नयाँ जनादेशमा जान अवसर दिएको बताए । नयाँ जनादेशबाट अराजनीतिक व्यक्तिहरुको सफाया हुने उनले विश्वास व्यक्त गरेका थिए ।

अनेरास्ववियुकाे केन्द्रिय सदस्य सागिर अंसारीको अध्यक्षतामा भएकाे भेलाले महमद रेयाज अन्सारीको संयोजकत्वामा १ सय ४१ सदस्यीय कमिटी गठन गरेको छ । नव गठित कमिटीको सहसंयोजकमा अजित गुप्ता रहेका छन । ५५ यथावत र ८५ थप गरी १ सय ४१ सदस्यिय कमिटी विस्तार गरिएको नेकपा जिल्ला कमिटी सदस्य सञ्जिव मिश्रले जानकारी दिए ।

नवनिर्वाचित पदधिकारीहरुको शपथ ग्रहण अनेरास्ववियुका स्थायी कमिट सदस्य अनिश कर्ण गराएका थिए । कार्यक्रममा संबिधान सभा सदस्य एवम् केन्द्रिय सदस्य प्रधुमन चौहान, छिपहरमाई गाँउपालिका अध्यक्ष मनोज गुप्ता, युवा नेता पराग सिंह, अभिात बचन दास, सन्तोष पासवान, विकाश रौनियारलगायतको उपस्थ्तिी रहेको थियो । कार्यक्रममा स्वागत मन्तव्य अजित साहले गरेका थिए भने सहजीकरण हेमन्त तामाङले गरेका थिए ।