वीरगंज। सरकारले चलचित्रका गतिविधि सञ्चालनको अनुमति दिने निर्णय गरेको छ ।आज प्रधानमन्त्रीको सरकारी निवास बालुवाटारमा बसेको मन्त्रिपरिषदको बैठकले झन्डै नौ महिनादेखि बन्द फिल्म गतिविधि शर्तसहित सञ्चालन गर्न सरकारले अनुमति दिएको हो ।

सरकारले कोरोना मापदण्डको पालना गरेर चलचित्र छायांकन गर्न अनुमति प्रदान गरेको हो । मापदण्ड अनुसार चलचित्र छायांकन गर्दा अब क्रिउ सदस्यले अनिवार्य रुपमा कोरोना विरुद्ध सरकारले अघि सारेको मापदण्ड पालना गर्नुपर्नेछ ।

तर, सरकारले हल खोल्ने विषयमा भने कुनै पनि निर्णय भने नगरेको बताइएको छ । सरकारले हल खोल्ने निर्णय नगरेपनि चलचित्र संघले पुष १० गतेदेखि एकपक्षीय रुपमा हल खुला गर्ने घोषणा गरिसकेको छ ।कोरोना भाइरसका कारण गत वर्षको चैतदेखि बन्द भएको हल अझै सञ्चालनमा आउन सकेको छैन ।