वीरगन्ज । विन्दावासिनी गाउँपालिकाको प्रसौनी भठ्ठामा नेकपाको सपथ ग्रहण कार्यक्रम हुँदा गएको कार्तिक ६ गते दुई पक्ष बीच भिडन्त हुँदा मुकेश चौरसियाको मृत्यु हुन गयो । उनका दाजु महेश चौरसियाले सरकारी वकिल कार्यालय मार्फत १२ जनामाथि किटानी जाहेरी दर्ता गराए ।

त्यस्तै खालको उस्तै नियमको अनुसरणगरी अर्का पक्षका सक्त घाईते पिन्टु तिवारीका पत्नी गुडिया देवीले पनि स्थानिय तहमा सतासिन पक्षका १५ जना माथि किटानी जाहेरी दिएकी छिन् । तिनको जाहेरीमा प्रदेश २ का सह ईन्चार्ज नागेन्द्र चौधरी सहित केन्द्रीय सदस्य तथा पर्सा ईन्चार्ज रामचन्द्र साह तेली, छोटेलाला यादव, विक्रम चौरसिया तथा परसुराम यादव गरी १५ जना जाहेरीमा समावेश छन् ।

यद्यपी दुईटै जाहेरी यतिखेर पर्सा प्रहरीमा अनुसन्धानको क्रममा रहेको सुनिन्छ । अनुसन्धान हुँदै जादा दोषी र निर्दोषीको ठहरिने हुन् भोलीको दिनले उजागर गर्ने नै छ । अब यहाँ प्रश्न उब्जिन्छ प्रहरी प्रशासनको ईमान्दारीताको ! कसैको दवावमा नपरी घटनाको छानविन गरी सुक्षम अनुसन्धान र विशलेषण गरियो भने निश्चित रुपमा त्यसमा भोज खाने धेरै अनुहारहरु समेटिने प्रहरी प्रशासन देखि बाहिरका सचेत नागरिकहरुको पनि अनुमान रहेको छ ।
घटनाको सबल पक्ष भनेको घटनाको दिन भाईरल भएका भिडियोहरु निर्विवाद रुपमा रहेका छन् । त्यस भिडियोमा मुकेशले आफैपनि हातमा बासुरी नलिई लठ्ठी लिई अरुलाई हिर्काईरहेको देखिन्छ ।

चौरसियालाई साथ दिनेहरुको हात पनि रितै देखिदैन । केही समय अघि सपथ ग्रहण गरेका घरपेटी मोटर मियाँ गद्दीको एउटा पुरानो टहरो भत्काइएको थियो । पुराना बाँसहरु गद्दिले पुनः प्रयोग गर्ने गरी घरको बाहिर छेउमै राखेका थिए । भिडन्त हुँदा त्यही बाँस त्यसमा प्रयोग गरेको मोटर मियाँका छिमेकी वकिल मियाँले बताउछन् ।
मधवलबाट सहभागी हुने आउनेहरुको उदेश्य त्यहाँ रहेकाहरुमाथि संघातिक आक्रमण गर्नु रहेको भए निश्चित रुपमा उनीहरु लठ्ठी वा त्यस्तै खालको हतियारहरु लिएर आउनुपथ्र्याे यो कुतर्क होईन ।

प्रसौनी भठ्ठा चोक वरिपट्टि रहेका चिया पसलेहरु यस्तै कुरा बताउछन् । आयोजकका धुन्धकारी नेताहरुले पसकने गरेको कुतर्कको विपरित त्यहाँका गाउँलेहरु अझपनि सिर ठाडो गरेर भन्छन् । बहुदरमाई नगरपालिकाको पटनी गाँउमा गरिएको सपथ ग्रहण कार्यक्रमको भिडियो प्रहरी प्रशासनले उपलब्ध गरी अनुसन्धानमा संलग्न गर्याे भने अरु थप कुरा पनि बाहिर आउने बताउछन् त्यहाँ सहभागी भएका अन्य दर्शकहरु ।

पटनी अघि सखुवा प्रसौनी गाउँपालिकाको सिद्पुरमा गरिएको सपथ ग्रहण कार्यक्रम नगराउन नेता कहलिएकाहरु चेतावनी समेत दिएका त्यहाँका आयोजकले यतिखेर खुलाएका छन् । त्यतिमात्र होईन, त्यस कार्यक्रममा कुनै किसिमको अप्रिय घटना भयो भने त्यसको जिम्मेवारी आयोजकले नै लिनुपर्छ भने चेतावनी समेत सुन्पेका थिए । त्यसो भए प्रसौनी भट्टामा भएको दुःखद घटनाको जिम्मेवारी धुन्धकारी पक्षले लिने हो कि होईन यो यतिखेर यक्ष प्रश्न उभिएको छ ।

नेकपा पर्साको नेतृत्व पंक्तीमा अग्रस्थान ओगट्न सफल भएका रामचन्द्र साह तेलीको भुमिका प्रति पार्टीले हिजो पनि अनुसन्धान गरेन र अब अहिले पनि गरेन भने तेली जस्ता फेक न्यूज(झुठो)का बादसाह हुने धेरै समय नलाग्ने पार्टी पंक्ती भित्रै बलियो गरी गायीगुयी सुनिन थालिएको छ । तेलीले नेकपाको सचिवालय र स्थायी कमिटिलाई लेखेको खुल्ला पत्र यतिखेर उनका लागि जगहसाई भएको छ । त्यस पत्रमा आफू २०२८ साल देखि अनेरास्ववियुको राजनीतिमा सक्रिय रहदै कोअडिनेशन कमिटिको पालामा उनको आफ्नै गाँउ हरपुरमा बनि आन्दोलन गरेको फुर्ती समेत लगाएका छन् ।

विद्यार्थी राजनीतिमा खोई ? ठाकुररामका त्यतिखेरका पुराना विद्यार्थीहरु स्ववियुका अखिल उम्मेदवार बाबुलाल पडित नेविसंघ तर्फ गई मिलेकोले साह पनि उतै गएर मिसिन हुन्कि भनेर प्रयोग गरिएको बताउछन् । बनी आन्दोलनपनि उनको मिथ्या प्रचारमात्र हो भनेर त्यतिखेर बनि आन्दोलनको नेतृत्व गरेका कमरेड राम असरेराम बताउनुहुन्छ ।

ईलाका कमिटि ईन्चार्ज भएको बताउने साहको कुरापनि फेक न्यूजकै अर्काे पाटो भएको राम असरेरामको जिकिर सुनिन्छ । २०४७ सालमा पर्साको २ नं. ईलाकाको पचरुखी स्कूलमा चयन हुँदा ७ जना सदस्य रहेकोमा त्यतिखेर रामचन्द्र साह र बैद्यनाथ ठाकुर मात्र एकातिर थिए भने अन्य पाँच जना सदस्यहरु नागेन्द्र चौधरीलाई चयन गर्न आफ्नो मत जाहेर गरेका थिए राम भन्नुहुन्छ । पार्टीमा सम्पर्क हुनु अघि साह बर्वाटाँडी स्कूलका प्र.अ.थिए ।

आफ्नो कार्यकालमा त्यहाँ भएका ४५ वटा सालको रुख सस्तैमा काठ तस्करहरुलाई बेचेको बात लागेको स्कूलका संचालक समितीका एक सदस्य बडनियहार पकडियाका सामलाल चौधरी अझैपनि सम्झिने गर्छन । अंक गणितिय हिसाबले जिल्ला कमिटिको नेतृत्व हत्याएपछि साहको प्रगतिको ग्राफ उकलदै गरेको पुराना मजदुर नेता पटवारी बैठा अझैपनि विर्सेका रहेनछन् । ठेक्कापाट्टा देखि छोरा बुहारीको शिक्षकमा नियुक्ती उनको प्रमुख क्रान्तिकारी विषय त्यतिखेर थियो । स्कूल भने झोलेमै रहने गरेको ईतिहासपनि नटाँसिएको होईन । तत्कालिन शिक्षा अधिकारी हरिवस्ती त्यस विकृतिलाई सुधार्न खोज्दा माथिल्ला नेताको हस्तक्षेपमा वस्तीलाई रातैरात लखेटेकोपनि शिक्षकहरु सुनाउछन् ।

२०७४मा भएको स्थानिय चुनावमा पर्सागढि नगरपालिकामा गरेका उनका क्रान्तिकारी हर्कतहरुपनि जिउदै रहेको ईतिहास छ । आफ्नै दाजु हृदय नारायण साहलाई नगर प्रमुखको टिकट दिलाउन हरसम्भव प्रयासपछि असफल भएकाले उनकै निर्देशनमा उनका छोरा, भतिजहरु र उनका दाजु समेत गरी हरपुरमा रहेको पार्टी कार्यालय भित्र राखिएका पार्टीको झण्डा र माक्र्स र लेलिनको तस्वीर समेतमा आगो लगाई प्रर्दशन गरी मुर्दावाद समेतको नारा लगाएको गाउँलेहरु त्योपनि बिर्सेका छैनन् । यस्ताहरु पार्टीको जिम्मेवारी लिएपछि त्यसपार्टीको भविष्य कता डोरीने हो आम ईमान्दार तथा सचेत कार्यकर्ताहरु बेलैमा बुद्धिको बिर्काे खोलेनन् भने अर्काे चौरसिया पनि जन्मिने अब धेरै समय पर्खनु नपर्ने बताउछन् पर्वेक्षकहरु ।
सभार. नारायणी टुडे डेली