वीरगन्ज । चिनियाँ कम्पनी ह्वावेले अमेरिकी प्रविधि प्रयोग नगरी शंघाईमा चिप प्लान्ट निर्माण गर्ने योजना ल्याएकाे छ । अमेरिकाले प्रविधिमा लगाएको कडा प्रतिबन्धपछि चीनको सबैभन्दा ठूलो टेक कम्पनी ह्वावेले नयाँ रणनीति तयार पारेको फाइनान्सियल टाइम्सले जनाएको छ।
ह्वावेले लो-ईन्ड ४५ एनएम चिप्स उत्पादनबाट यसको सुरुवात गर्ने जनाइएको छ । २०२१ को अन्त्यसम्ममा इन्टरनेट अफ थिङ्सका लागि २८ एनएम चिप्स बनाउने लक्ष्य राखिएकाे छ ।
त्यस्तै कम्पनीले २०२२ सम्ममा फाइभजी टेलिकम उपकरणका लागि २० एनएम चिप्स उत्पादन गर्ने लक्ष्य राखेकाे छ ।
ह्वावेसँग चिप्स निर्माणकाे अनुभव छैन । यसकारण यो प्लान्ट सरकारले सहयोग गरेको रिसर्च कम्पनी शंघाई आईसी आर एण्ड डी सेन्टरले सञ्चालन गर्ने जनाएको छ।
चीनले आफ्नो पञ्च वर्षीय योजनामा अझ बढी आर्थिक आत्मनिर्भरताको लागि सामान खरिदमा अन्य देशसँग भर नपर्ने र कोर टेक्नोलोजी देशमै निर्माण गर्ने योजना ल्याएको छ ।
